ខេត្តព្រះសីហនុ ៖ តាមសមត្ថកិច្ចឱ្យដឹងថា បុរសម្នាក់បានស្លាប់ ដោយសារឆក់ខ្សែភ្លើងពេលកំពុងកាន់ក្បាលមេក្រូហ្វូនច្រៀងខារ៉ាអូខេ កើតឡើងកាលពីម៉ោងជិត៨យប់ថ្ងៃទី០៩ ធ្នូ ស្ថិតចំណុចភូមិថ្មី ឃុំកំពង់សីលា ស្រុកកំពង់សីលា ខេត្តព្រះសីហនុ ។
ជនរងគ្រោះខាងលើ មានឈ្មោះ ស៊ុម សុភា ភេទប្រុស អាយុ៣២ឆ្នាំ ជាកសិករ មានទីលំនៅក្នុងភូមិ-ឃុំកើតហេតុ ។
សមត្ថកិច្ចឱ្យដឹងថា មុនពេលកើតហេតុ ជនរងគ្រោះគឺបានអង្គុយច្រៀងខារ៉ាអូខេនៅលើគ្រែ ។ មួយសន្ទុះ ស្រាប់តែមានចរន្តភ្លើងឆ្លងតាមក្បាលមេក្រូហ្វូន បណ្តាលឱ្យឆក់ជនរងគ្រោះធ្លាក់ពីលើគ្រែភ្លាមៗធ្លាក់ក្បាលមេក្រូហ្វូននៅជាប់នឹងដើមទ្រូង (ចំបេះដូង) ។
ក្រោយកើតហេតុ ក្រុមគ្រួសារបានបញ្ជូនទៅសង្គ្រោះនៅមណ្ឌលសុខភាពកំពង់សីលា តែជនរងគ្រោះបានដាច់ខ្យល់ស្លាប់បាត់ទៅហើយ ។
ចែករំលែកព័តមាននេះ