ខេត្តឧត្តរមានជ័យ ៖ ព្រះសង្ឃមួយអង្គដែលមានសតិមិនគ្រប់គ្រាន់បានធ្វើសកម្មភាពវាយអាគុយសូឡាបណ្តាលឲ្យមានចរន្តភ្លើងឆាបឆេះកុដិមួយខ្នងមានទំហំ ៥×៤ ម៉ែត្រ ដែលបានកសាងឡើងដោយថ្មក្រោមឈើលើ ដំបូលប្រកស័ង្កសី កាលពីវេលាម៉ោង៧និង៣០នាទីព្រឹក ថ្ងៃទី៧ ខែធ្នូ…
ខេត្តឧត្តរមានជ័យ ៖ ព្រះសង្ឃមួយអង្គដែលមានសតិមិនគ្រប់គ្រាន់បានធ្វើសកម្មភាពវាយអាគុយសូឡាបណ្តាលឲ្យមានចរន្តភ្លើងឆាបឆេះកុដិមួយខ្នងមានទំហំ ៥×៤ ម៉ែត្រ ដែលបានកសាងឡើងដោយថ្មក្រោមឈើលើ ដំបូលប្រកស័ង្កសី កាលពីវេលាម៉ោង៧និង៣០នាទីព្រឹក ថ្ងៃទី៧ ខែធ្នូ ឆ្នាំ២០១៨ ។ ហេតុការណ៍នេះកើតឡើងនៅក្នុងបរិវេណវត្ត មុនី្នសែនជ័យ ស្ថិតនៅក្នុងភូមិត្រពាំងតាវ ឃុំត្រពាំងតាវ ស្រុកអន្លង់វវែង ខេត្តឧត្តរមានជ័យ ។
ព្រះចៅអធិការវត្ត មុន្នីសែនជ័យ មានព្រះនាម ជ្រិន ហេង មានសង្ឃដីការឲ្យដឹងថា វត្តនេះបានសាងសង់កាលពីអំឡុងឆ្នាំ២០០៣មានផ្ទៃដី៩ហិកតា មានព្រះសង្ឃគង់នៅ៧អង្គ ព្រះសង្ឃមួយអង្គមានព្រះនាម ភុំ ផាត់ ហៅស្រី ផាត់ ជាអតីតទាហានក្នុងកងពលតូចថ្មើជើងលេខ៤១ហើយក៏ជាកូនលោកមេបញ្ជាការងកងពលផងដែរបានយកមកបួសជាសង្ឃបានរយៈពេល៨ខែប៉ុណ្ណោះ ។
ព្រះចៅអធិការវត្តបានបន្តថា មុនពេលកើតហេតុព្រះសង្ឃអង្គនេះដែលជាសង្ឃមានសតិមិនគ្រប់ដោយមានចិត្តមួរម៉ៅក្នុងចិត្តបានយកពូចៅទៅវាយអាគុយសូឡាបំបែកបណ្តាលឲ្យមានចរន្តចេញជាអណ្តាតភ្លើងឆាបឆេះកុដិយ៉ាងសន្ធោសន្ធៅទោះជាមានអ្នកភូមិនាំគ្នាមកជួយដងទឹកពន្លត់តែភ្លើងនៅតែបន្តឆាបឆេះដដែលរួមទាំងសម្ភារប្រើប្រាសផ្សេងៗជាច្រើនត្រូវបានឆេះខ្ទេច ខណៈនេះក៏សុំអំពាវនាវដល់ ឧកញា ឯកឧត្តម លោកជុំទាវ ពុទ្ធបរិស័ទ្ធ ចំណុះជើងវត្តរស់នៅទីជិត និងរស់នៅឯនាយសមុទ្រមេតា្តជួយកសាងកុដិឡើងវិញផង ។
ប៉េអឹមស្រុកអន្លង់វែងបានឲ្យដឹងថា ក្រោយពីបានទទួលនូវព័ត៌មានរាយការណ៍រួចមកកងកម្លាំងអាវុធហត្ថស្រុកបានចុះទៅដល់នឹងកន្លែងកើតហេតុធ្វើការពិនិត្យ និងធ្វើការឃាត់ខ្លួនព្រះសង្ឃមួយអង្គដែលបានធ្វើសកម្មភាពបណ្តាលឱ្យឆេះកុដិ និងធ្វើការជាមួយក្រុមអាជ្ញាធរមូលដ្ឋាន រួមទាំងធម្មការស្រុកបានផ្សឹកចេញពីព្រះសង្ឃឲ្យវិលត្រឡប់ទៅឯស្រុកកំណើតនៅឯខេត្តសៀមរាបក្នុងថ្ងៃដដែល ៕
ចែករំលែកព័តមាននេះ