ខេត្តស្វាយរៀង ៖ រដ្ឋបាលខេត្តចាត់វិធានការក្តៅលើករណីម្ចាស់ផ្សារប្រសូតថ្មី ចាក់ដីលុបព្រែករំលោភយកដីព្រែកប្រសូត យកជាកម្មសិទ្ធិធ្វើផ្សារដោយយកលេសថាអភិវឌ្ឍន៍ ធ្វើឲ្យប្រជាពលរដ្ឋខឹងសម្បារតវ៉ា និងប្តឹងដល់អាជ្ញាធរស្រុក និងអ្នកសារព័ត៌មានឲ្យជួយអន្តរាគមន៍និងចុះផ្សាយ ដើម្បីរកបទអន្តរាគមន៍ពីថ្នាក់ខេត្ត និងរាជរដ្ឋាភិបាលអំពីផលប៉ះពាល់ និងការព្រួយបារម្ភនៃការបាត់បង់ព្រែកធម្មជាតិដែលជាជម្រកមច្ឆា ដែលស្រុកស្វាយទាបមាន។
ដើម្បីឆ្លើយតបក្តីកង្វល់របស់ប្រជាពលរដ្ឋនៅរសៀលថ្ងៃអាទិត្យ ទី០៩ ខែធ្នូ ឆ្នាំ២០១៨នេះ លោក ហែម ពិសិដ្ឋ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលនៃគណៈអភិបាលខេត្ត បានធ្វើសន្និសីទសារព័ត៌មាន និងអនុវត្តវិធានការរបស់រដ្ឋបាលខេត្តជុំវិញករណីចាក់ដីរំលោភចូលដីព្រែកនៅជិតផ្សារប្រសូតថ្មី របស់ម្ចាស់ផ្សារឲ្យកាយយកអាចម៌ដីចេញវិញ។
ក្នុងជំនួបសន្និសីទនេះ ក៏មានការអញ្ជើញចូលរួមពីសំណាក់លោកនាយកទីចាត់ការអន្តរវិស័យខេត្ត លោកប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោកអភិបាល អភិបាលរងស្រុកនាយករដ្ឋបាលសាលាស្រុក លោកប្រធានការិយាល័យអន្តរវិស័យស្រុក លោកមេឃុំ និងមន្ទីរពាក់ព័ន្ធ រួមទាំងអ្នកសារព័ត៌មានជាច្រើនរូបទៀត។
លោក ហែម ពិសិដ្ឋ អភិបាលរងខេត្តបានលើកយកនូវចំណុចសំខាន់ៗមួយចំនួនពាក់ព័ន្ធនឹងការខិតខំប្រឹងប្រែងរបស់ប្រមុខរាជរដ្ឋាភិបាល និងអាជ្ញាធរមូលដ្ឋានគ្រប់លំដាប់ថ្នាក់ក្នុងការបម្រើសេវាប្រជាពលរដ្ឋ ក៏ដូចជាការភិវឌ្ឍនៅក្នុងមូលដ្ឋានជាដើម រួមទាំងការដោះស្រាយបញ្ហាផ្សេងៗដែលបានកើតឡើងក្នុងខេត្តស្វាយរៀង ជាក់ស្តែងករណីចាក់ដីលប់ព្រែករំលោភយកដីព្រែកនេះត្រូវបានដោះស្រាយដោយឲ្យម្ចាស់ផ្សារកាយអាចម៌ដីយកចេញវិញ។
ព័ត៌មានពិស្តារនឹងផ្សាយជូននៅកាសែតកោះសន្តិភាព
ចែករំលែកព័តមាននេះ