ទីក្រុងសៀងហៃពេលនេះ… ពិតជាមិនធម្មតាទេ
ប្រភពពីការចេញផ្សាយដោយយោងតាមរបាយការណ៍ទឹកលុយអាស៊ីប្រចាំឆ្នាំ (Annual Wealth Report Asia) របស់ធនាគារឯកជនស្វុីស Julius Baer បានឲ្យដឹងថា ទីក្រុងសៀងហៃ…
ប្រភពពីការចេញផ្សាយដោយយោងតាមរបាយការណ៍ទឹកលុយអាស៊ីប្រចាំឆ្នាំ (Annual Wealth Report Asia) របស់ធនាគារឯកជនស្វុីស Julius Baer បានឲ្យដឹងថា ទីក្រុងសៀងហៃ…
ប្រភពពីការចេញផ្សាយដោយយោងតាមរបាយការណ៍ទឹកលុយអាស៊ីប្រចាំឆ្នាំ (Annual Wealth Report Asia) របស់ធនាគារឯកជនស្វុីស Julius Baer បានឲ្យដឹងថា ទីក្រុងសៀងហៃ បានវ៉ាដាច់ទីក្រុងហុងកុង និងប្រទេសសឹង្ហបុរី ដោយបានក្លាយទៅជាទីក្រុងមួយ ពោរពេញទៅដោយភាពស៊ីវិល័យជាងគេនៅអាស៊ី ។
ប្រសិនបើលោកអ្នកចូលចិត្តទិញនាឡិកាថ្លៃៗ កាបូបដៃប្រេនៗ និងគ្រឿងអលង្ការតម្លៃកប់ៗនោះ អ្នកនឹងមិនអាចរកនៅឯណាបានក្នុងអាស៊ីថ្លៃជាងនៅទីក្រុងសៀងហៃនោះទេ ។ វាគឺជាទីក្រុងដែលត្រូវជះលុយច្រើនជាងគេ ក្នុងតំបន់អាស៊ី សម្រាប់អ្នកចង់បានជីវិតរស់នៅតាមបែបអភិជន ។
របាយការណ៍នេះ បានមើលទៅលើតម្លៃរបស់វត្ថុប្រណីតៗ និងសេវាកម្មចំនួន២០ ដែលមាននៅក្នុងតំបន់ទាំង១១ នៃទ្វីបអាស៊ី ។ ក្នុងទីក្រុងសៀងហៃ លោកអ្នកនឹងអាចឃើញមាននាឡិកាតម្លៃថ្លៃ កាបូបដៃនារីៗ ស្រា គ្រឿងអលង្ការ ឡេលាបស្បែក និងបន្ទប់មន្ទីរពេទ្យ ដែលសុទ្ធតែមានតម្លៃកប់ៗ ។ ដោយឡែក គេក៏ឃើញមានរបស់របរមួយចំនួនថោក គួរឱ្យកត់សម្គាល់ផងដែរ ដូចជាស្បែកជើងនារី បន្ទប់សណ្ឋាគារ និង ព្យាណូ ។
បើទោះបីជាដូចនេះក៏ដោយ ប្រសិនបើអ្នកចង់បានវត្ថុប្រណីតសម្បូរបែប អ្នកអាចរកបាននៅទីក្រុងកូឡាឡាំពួរ នៃប្រទេសម៉ាឡេស៊ី។ ប្រសិនបើអ្នកចង់ចាក់ប៊ូតុកលើមុខបំបាត់ជ្រួញ អ្នកអាចទៅរកបាននៅទីក្រុងម៉ុមបៃ ប្រទេសឥណ្ឌា។ ខាងក្រោមនេះគឺជាចំណាត់ថ្នាក់ដែលចុះផ្សាយលើរបាយការណ៍ Wealth Report Asia នៅឆ្នាំនេះ៖ ១. សៀងហៃ, ២. សឹង្ហបុរី, ៣. ហុងកុង, ៤. តូក្យូ, ៥. តៃប៉ិ, ៦. សេអ៊ូល, ៧. បាំងកក, ៨. ម៉ុមបៃ, ៩. ម៉ានីឡា, ១០. ចាកាតា, ១១. កូឡាឡាំពួរ ។
ចែករំលែកព័តមាននេះ