ខេត្តកំពង់ស្ពឺ ៖ អស់រយៈពេលច្រើនថ្ងៃមកហើយ សាច់ញាតិក្រុមគ្រួសារលោកយាយអាយុ៧៤ឆ្នាំដែលស្លាប់ដោយសារតែម្ចាស់គ្លីនិកឯកជនយីហោ ជា ហ៊ីម ចាក់ថ្នាំបណ្តាលឱ្យស្លាប់ ហើយនៅមិនទាន់ទទួលបានពន្លឺយុត្តិធម៌នៅឡើយទេខណៈម្ចាស់គ្លីនិកត្រូវគេនិយាយថា កំពុងរត់ការដើម្បីបានរួចផុតពីការចោទប្រកាន់។ ដើមហេតុគឺរឿងប្រពន្ធ…
ខេត្តកំពង់ស្ពឺ ៖ អស់រយៈពេលច្រើនថ្ងៃមកហើយ សាច់ញាតិក្រុមគ្រួសារលោកយាយអាយុ៧៤ឆ្នាំដែលស្លាប់ដោយសារតែម្ចាស់គ្លីនិកឯកជនយីហោ ជា ហ៊ីម ចាក់ថ្នាំបណ្តាលឱ្យស្លាប់ ហើយនៅមិនទាន់ទទួលបានពន្លឺយុត្តិធម៌នៅឡើយទេខណៈម្ចាស់គ្លីនិកត្រូវគេនិយាយថា កំពុងរត់ការដើម្បីបានរួចផុតពីការចោទប្រកាន់។
ដើមហេតុគឺរឿងប្រពន្ធ និងកូនរបស់លោកប្រធានមណ្ឌលសុខភាពឱរ៉ាល់ ចាក់ថ្នាំបណ្តាលឱ្យលោកយាយម្នាក់បែកពពុះមាត់ស្លាប់នៅក្នុងគ្លីនិកឯកជនមួយ។ ដើម្បីរួចផុតពីការចោទប្រកាន់ថា ចាក់ថ្នាំ បណ្តាលឱ្យមនុស្សស្លាប់នោះ ប្រពន្ធនិងកូនម្ចាស់គ្លីនិកយកលេសបញ្ជូនជនរងគ្រោះទៅកាន់មន្ទីរពេទ្យបង្អែកខេត្តកំពង់ស្ពឺ ដើម្បីដោះបន្ទុក ក្នុងចេតនាមិនទទួលខុសត្រូវ ដែលរហូតមកដល់ពេលនេះ សាច់ញាតិក្រុមគ្រួសារលោកយាយរងគ្រោះមិនទាន់បានសំណង ឬយុត្តិធម៌ណាមួយសម្រាប់លោកយាយរងគ្រោះឡើយ ។
ម្ចាស់គ្លីនិកឯកជនយីហោ ជា ហ៊ីម ជាប្រធានមណ្ឌលសុខភាពស្រុកឱរ៉ាល់ផង និងជាមន្ត្រីយោធាផងនោះ គិតរឿងរត់ការជាមួយសមត្ថកិច្ច មិនចរចាជាមួយគ្រួសាររងគ្រោះទេ។ ក្នុងថ្ងៃកើតហេតុច្បាស់ណាស់ថា លោកគ្រូពេទ្យ ជា ហ៊ីម មិននៅក្នុងគ្លីនិកនោះទេ គឺនៅតែប្រពន្ធ និងកូនស្រីជាអ្នកនៅពិនិត្យមើលជំងឺ និងចាក់ថ្នាំឱ្យលោកយាយរងគ្រោះ។
អ្នកស្រីពៅ អូន អាយុជាង៦០ឆ្នាំ ជាប្អូនបង្កើតរបស់សពលោកយាយពៅយ៉ាន បានប្រាប់អ្នកយកព័ត៌មានយើងឱ្យដឹងថា ចាប់តាំងពីថ្ងៃកើតហេតុរហូតមកដល់ពេលនេះពួកគាត់ជាសាច់ញាតិមិនទាន់បានទទួលនូវភាពយុត្តិធម៌ណាមួយពីសំណាក់ម្ចាស់គ្លីនិកឯកជនយីហោ (ជា ហ៊ីម) នោះឡើយ ដោយគេអះអាងថា គ្មានកំហុសនោះទេ គេជាអ្នកជួយ បែរមកចោទគេទៅវិញ។ មិនទាន់ដឹងច្បាស់ថា តើច្បាប់ចាត់ការបែបណានៅឡើយទេ?
ចែករំលែកព័តមាននេះ