ប្រទេសអីុតាលី ៖ មនុស្ស៦នាក់ ក្នុងនោះមានក្មេងជំទង់៥នាក់អាយុពី១៤ទៅ១៦ឆ្នាំបានត្រូវស្លាប់ ក្រោយការផ្អើលរត់ជាន់គ្នា កាលពីថ្ងៃទី៨ ធ្នូ ពេលមានការប្រគំតន្ត្រី ក្នុងហាងឌីស្កូមួយស្ថិតនៅជិតទីក្រុងANCONE នាភាគកណ្ដាលអីុតាលី…
ប្រទេសអីុតាលី ៖ មនុស្ស៦នាក់ ក្នុងនោះមានក្មេងជំទង់៥នាក់អាយុពី១៤ទៅ១៦ឆ្នាំបានត្រូវស្លាប់ ក្រោយការផ្អើលរត់ជាន់គ្នា កាលពីថ្ងៃទី៨ ធ្នូ ពេលមានការប្រគំតន្ត្រី ក្នុងហាងឌីស្កូមួយស្ថិតនៅជិតទីក្រុងANCONE នាភាគកណ្ដាលអីុតាលី ជាប់ឆ្នេរសមុទ្រអាឌ្រីយ៉ាទិក។
ពួកអ្នកជួយសង្គ្រោះគូសបញ្ជាក់ថា ក្រៅពីអ្នកស្លាប់មនុស្សដល់ទៅប្រមាណជា១០០នាក់រងរបួស ក្នុងនោះ១៣នាក់របួសធ្ងន់។ ក្នុងចំណោមជនរងគ្រោះមានយុវតី៣នាក់និងក្មេ្មងប្រុសជំទង់២នាក់ និងម្ដាយរបស់ពួកគេ ដែលជូនពួកកូនៗមកទស្សនាការប្រគំតន្ត្រី របស់តារាចម្រៀងSFERA EBBASTA។
សោកនាដកម្មនោះកើតមានពេលស្នួរឆ្លងចេញពីហាងឌីស្កូ LANTERNA AZZURRA ជាក្លឹបរាត្រីមួយនៃទីក្រុង CORTNALDOបានបាក់។ ការប្រើប្រាស់ចំហាយឧស្ម័នម្រេចនៅក្នុងហាងនេះ បង្កឲ្យមានចលាចលផ្អើលមនុស្សច្រើនសិបនាក់រត់ទៅលើស្នួរច្រកចេញ។
អាជ្ញាធរនិយាយថា វត្តមានរបស់មនុស្សច្រើនជ្រុលពេក ទើបបណ្ដាលឲ្យមានការបាក់ស្នួរនោះ។ សាលសំខាន់របស់ហាងឌីស្កូនោះអាចទទួលមនុស្ស៤៦៩នាក់ តែគេលក់សំបុត្រដល់ទៅ១៣០០។ ការស៊ើបអង្កេតមួយត្រូវបានបើកធ្វើ ដើម្បីកំណត់ពីមូលហេតុនៃសោកនាដកម្មនេះនិងបណ្ដាអ្នកទទួលខុសត្រូវ៕
ចែករំលែកព័តមាននេះ