លោកយ៉ាង ជុងតាវ មន្ត្រីនៅក្រសួងវប្បធម៌របស់ចិន បង្ហើបឲ្យដឹងកាលពីពេលថ្មីៗ កន្លងមកថា រដ្ឋាភិបាលកំពុងពិចារណាកំណត់លើគោលការណ៍នៃការរៀបអាពាហ៍ពិពាហ៍របស់កូនកំលោះក្រមុំថាគួរប្រតិបត្តិបែបណាឲ្យមានភាពងាយស្រួល មិនខ្ជះខ្ជាយ និងរក្សាពីគុណតម្លៃប្រពៃណី និងទំនៀមទម្លាប់ ក្រោយពីប្រទះឃើញថា បច្ចុប្បន្នរមែងរំលេចដោយភាពលេចធ្លោ និងថ្កុំថ្កើងបង្អួតអ្នកស្រុក ។
មកដល់ពេលនេះអាជ្ញាធរចិនមិនបានបញ្ជាក់ថា ច្បាប់ទម្លាប់នៃការគ្រប់គ្រងលើអាពាហ៍ពិពាហ៍នេះនឹងមានសុពលភាពនៅពេលណា ? ប៉ុន្តែខាងបក្សកុម្មុយនីស្តចិន ធ្លាប់បានណែនាំឲ្យមានលក្ខណៈសមស្រប និងកាត់បន្ថយលើការចំណាយកាលពីឆ្នាំ២០១៦រួចមកហើយ ។
ចំណែកសារព័ត៌មានបរទេសផ្សាយថា ការរៀបអាពាហ៍ពិពាហ៍បែបខ្ជះខ្ជាយកំពុងមានការពេញនិយមនៅប្រទេសចិន និងនៅតាមបណ្ដាប្រទេសនានាជាច្រើនទៀត ខណៈពេលភ្ញៀវដែលចូលរួមត្រូវចងដៃជាប្រាក់ ឬជូនកាដូដែលមានតម្លៃខ្ពស់ជាងពិធីនេះដើម្បីមានមុខមាត់ ៕
ចែករំលែកព័តមាននេះ