ខេត្តកំពង់ស្ពឺ ៖ ជនសង្ស័យជាមុខសញ្ញាជួញដូរថ្នាំញៀនចំនួន៣នាក់ត្រូវបានសមត្ថកិច្ចជំនាញធ្វើការស្រាវជ្រាវរហូតឃាត់ខ្លួនព្រមទាំងវត្ថុតាងមួយចំនួន និងអាវុធខ្លី១ដើមផងដែរ។ ការឃាត់ខ្លួននេះបានធ្វើឡើងកាលពីរសៀលថ្ងៃទី៨ ខែធ្នូ ឆ្នាំ២០១៨ នៅចំណុចផ្ទះសំណាក់នាគមាស នៅភូមិផ្សារចាស់ សង្កាត់ស្វាយក្រវ៉ាន់…
ខេត្តកំពង់ស្ពឺ ៖ ជនសង្ស័យជាមុខសញ្ញាជួញដូរថ្នាំញៀនចំនួន៣នាក់ត្រូវបានសមត្ថកិច្ចជំនាញធ្វើការស្រាវជ្រាវរហូតឃាត់ខ្លួនព្រមទាំងវត្ថុតាងមួយចំនួន និងអាវុធខ្លី១ដើមផងដែរ។
ការឃាត់ខ្លួននេះបានធ្វើឡើងកាលពីរសៀលថ្ងៃទី៨ ខែធ្នូ ឆ្នាំ២០១៨ នៅចំណុចផ្ទះសំណាក់នាគមាស នៅភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
នគរបាលក្រុងច្បារមនបានអោយដឹងថាកម្លាំងប្រឆាំងគ្រឿងញៀន និងព្រហ្មទ័ណ្ឌក្រុង សហការជាមួយនឹងម្ចាស់ផ្ទះសំណាក់បានធ្វើការឃាត់ខ្លួនមុខសញ្ញាជួញដូរគ្រឿងញៀនចំនួន៣នាក់ រួមមាន ១-ឈ្មោះ រស់ សុឌី ភេទប្រុស អាយុ៤៦ ជាមន្ត្រីយោធា ២-ឈ្មោះ ឡាយ តេង ភេទប្រុស អាយុ៣១ឆ្នាំ មានទីលំនៅក្នុងសង្កាត់បឹងសាឡាង២ ខណ្ឌទួលគោក រាជធានីភ្នំពេញ និង៣-ឈ្មោះ តាំង ពិសិត ភេទប្រុស អាយុ៣៦ឆ្នាំ នៅភូមិពោធិស្ទៀង ឃុំសណ្តែក ស្រុកបាធាយ ខេត្តកំពង់ចាម ។
ក្រោយការឃាត់ខ្លួន សមត្ថកិច្ចដកហូតវត្ថុតាងរួមមាន៖ ម្សៅក្រាមពណ៍សសង្ស័យជាសារធាតុញៀនចំនួន២កញ្ចប់, អាវធខ្លី១ដើម ម៉ាក CF 98 លេខ០០០271 មានបង់២, គ្រាប់២៨គ្រាប់, ស្នាប់ដៃ១ដើម ៤-ទូរស័ព្ទចំនួន៧គ្រឿង, កន្ត្រៃចំនួន២ដើម, ដែកកេះ២, ថង់សំរាប់ច្រកគ្រឿងញៀន៣ដុំ, ខ្សៀជក់គ្រឿង
ញៀនចំនួន៥, ម៉ូតូចំនួន២គ្រឿង លុយ១៥៥ដុល្លារ និងឧបករណ៍ប្រើប្រាស់គ្រឿងញៀនមួយចំនួនទៀត ។
បើតាមការអះអាងរបស់សមត្ថកិច្ចបានឱ្យដឹងថា ក្រុមជនសង្ស័យខាងលើសុទ្ធសឹងជាមុខសញ្ញាដែលសមត្ថកិច្ចធ្វើការតាមដានជាយូរមកហើយ ។
មុនពេលចុះធ្វើប្រតិបត្តិការ គឺសមត្ថកិច្ចបានទទួលសេចក្តីរាយការណ៍ពីពលរដ្ឋមកថា មានក្រុមជនសង្ស័យធ្វើសកម្មភាពចែកចាយថ្នាំញៀនបន្តដោយយកផ្ទះសំណាក់ខាងលើជាកន្លែងដោះដូរ ។បន្ទាប់ពីទទួលបានសេចក្តីរាយការណ៍ខាងលើភ្លាម សមត្ថកិច្ចក៏បើកប្រតិបត្តិការចុះ បង្ក្រាបបានតែម្តង។
ក្រោយពេលឃាត់ខ្លួន ខាងសមត្ថកិច្ចក្រុងបានកសាងសំណុំរឿងបញ្ជូនជនសង្ស័យខាងលើទៅការិយាល័យប្រឆាំងគ្រឿងញៀនខេត្តចាត់ការតាមនីតិវិធី។
ដោយឡែកនៅថ្ងៃដដែលនោះផងដែរ ក្នុងស្រុកឧដុង មានជនសង្ស័យជាមុខសញ្ញាជួញដូរគ្រឿងញៀនដ៏សកម្មម្នាក់ក៏ត្រូវបានឃាត់ខ្លួនផងដែរ ។
កំលាំងអធិការដ្ឋាននគរបាលស្រុកឧដុង្គ បានធ្វើការល្បាតដល់ចំណុចព្រៃឫស្សីខាងលិច ក្នុងភូមិដំណាក់ត្រាច ឃុំក្សេមក្សាន្ត ស្រុកឧដុង្គ បានប្រទះឃើញមុខសញ្ញាជនសង្ស័យម្នាក់ឈ្មោះ ទឹម សុខរិន ភេទប្រុស អាយុ២២ឆ្នាំ រស់នៅភូមតាឡាក់ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ហើយក៏ការ ក៏បានឃាត់ខ្លួន និងឆែកឆេរកឃើញម្សៅក្រាមពណ៌ស សង្ស័យជាសារធាតុញៀនចំនួន៥កញ្ចប់តូច និងទូរស័ព្ទអិនចុចពិលចាស់មួយគ្រឿង ។
ករណីខាងលើនេះ សមត្ថកិច្ចជំនាញកំពុងកសាងសំណុំរឿងដើម្បីចាត់ការតាមនីតិវិធី៕
ចែករំលែកព័តមាននេះ