មាត់យើងនេះប្រៀបដូចជាជ្រោះដ៏សែនជ្រៅព្រោះទម្លាក់អាហារទៅច្រើនសន្ធឹកយ៉ាងណាក៏នៅតែមិនចេះពេញ ពោលគឺនៅតែខ្វះ នៅតែស្រែកថាឃ្លានជានិច្ច ព្រោះហេតុនោះទើបព្រះបរមសាស្តាត្រាស់សម្តែងថា ការស្វែងរកអាហារមកចិញ្ចឹមជីវិតជាទុក្ខធំជាងគេ ។ ដូច្នេះដើម្បីកុំឲ្យទុក្ខជាន់លើទុក្ខ ទុក្ខត្រួតលើទុក្ខនោះ បុគ្គលគួរស្វែងរកអាហារតាមផ្លូវសុចរិតទៀងត្រង់ទៅបានហើយ ចូរជាអ្នកកុំស្វែងរកតាមផ្លូវទុច្ចរិត…
មាត់យើងនេះប្រៀបដូចជាជ្រោះដ៏សែនជ្រៅព្រោះទម្លាក់អាហារទៅច្រើនសន្ធឹកយ៉ាងណាក៏នៅតែមិនចេះពេញ ពោលគឺនៅតែខ្វះ នៅតែស្រែកថាឃ្លានជានិច្ច ព្រោះហេតុនោះទើបព្រះបរមសាស្តាត្រាស់សម្តែងថា ការស្វែងរកអាហារមកចិញ្ចឹមជីវិតជាទុក្ខធំជាងគេ ។
ដូច្នេះដើម្បីកុំឲ្យទុក្ខជាន់លើទុក្ខ ទុក្ខត្រួតលើទុក្ខនោះ បុគ្គលគួរស្វែងរកអាហារតាមផ្លូវសុចរិតទៀងត្រង់ទៅបានហើយ ចូរជាអ្នកកុំស្វែងរកតាមផ្លូវទុច្ចរិត ព្រោះអំពើអាក្រក់នឹងនាំឱ្យកើតទុក្ខទាំងការស្វែងរកផង និងទុក្ខព្រោះបានទ្រព្យដោយសារតែទុច្ចរិតកម្មនោះផង ពោលគឹទុក្ខទាំងក្នុងពេលបច្ចុប្បន្ន និងបន្តរហូតដល់បរលោកទៀត ។
ដូចជីវិតរបស់យើងអ៊ីចឹង មិនមែនកើតមកដើម្បីតែស្លាប់ទេ គឺកើតមកដើម្បីរស់ផងដែរ និងរស់ដើម្បីប្រព្រឹត្តនូវសេចក្ដីល្អ មិនមែនដើម្បីមើលងាយមើលថោកអ្នកដទៃ ច្រណែនឈ្នានីសគេ ចងអាឃាត ព្យាបាទ ចងគំនុំគំកួនអ្នកដទៃទេ គឺរស់ដើម្បីស្វែងរកទីពឹងសម្រាប់ខ្លួនឯង កុំបោះបង់ខ្លួនឯងចោលឲ្យសោះ កុំធ្វើខ្លួនឯងឱ្យដូចជាឈើស្អុយ ដែលអណ្ដែតទឹកតាមទន្លេឡើយ ព្រោះអំពើទាំងនេះគ្មានន័យខ្លឹមសារអ្វីសម្រាប់ជីវិតទេ ។
ចែករំលែកព័តមាននេះ