រាជធានីភ្នំពេញ៖ កាលពីប៉ុន្មានឆ្នាំមុន លេចលឺក្នុងសង្គមសិល្បៈថាលោកនៅ ស៊ីនឿន និងកញ្ញាផន ស្រីខួច គឺជាគូស្នេហ៍នឹងគ្នា ។ទោះបីជាយ៉ាងណាក្តីពេលនេះលោកនៅ ស៊ីនឿន បានបង្ហាញថាលោករកឃើញគូស្នេហ៍ថ្មីនៅលើទឹកដីអាមេរិក ។
កាលពីពេល ថ្មីៗកន្លងមក លោកនៅ ស៊ីនឿន បង្ហាញរូបភាពកៀកកើយជាមួយនារីនៅអាមេរិកនោះយ៉ាងស្និទ្ធស្នាល ។ កន្លងមកលោកនៅ ស៊ីនឿន កម្រនឹងបង្ហាញរូបភាពបែបនេះឱ្យអ្នកគាំទ្រខ្លួនបានឃើញណាស់ ។ ស្របពេលដែលត្រៀមខ្លួននឹងត្រឡប់មកពីសម្តែងនៅប្រទេសកាណាដា វិញ លោកនៅ ស៊ីនឿន ក៏ត្រៀមនឹងបង្ហាញដំណឹងល្អរបស់ខ្លួនជាមួយនារីនោះដែរ ។ បើតាមប្រភពព័ត៌មានមួយបានទម្លាយឲ្យដឹងថា លោកនៅ ស៊ីនឿន មានគម្រោងភ្ជាប់ពាក្យ ជាមួយនារីម្នាក់នោះរួចហើយ គ្រាន់តែពុំទាន់បង្ហាញពេលវេលាច្បាស់លាស់នៅក្នុងពេលនេះប៉ុណ្ណោះ ដោយសារតែចង់ឱ្យមានការភ្ញាក់ផ្អើល។ មិនតែប៉ុណ្ណោះនៅ ស៊ីនឿន ថែមទាំងមានគម្រោងរៀបការផងដែរ គ្រាន់តែពេលនេះលោកកំពុងនៅប្រទេសកាណាដា ទើបមិនទាន់បង្ហើបច្បាស់អំពីគម្រោង ។
សម្រាប់មិត្តភក្តិក្នុងសិល្បៈសុទ្ធតែមានការចាប់អារម្មណ៍ នៅពេលឃើញលោកនៅ ស៊ីនឿន បង្ហាញមុខមាត់គូស្នេហ៍របស់ខ្លួនដែលរស់នៅ អាមេរិក បែបនេះ ។ អ្នកគាំទ្រ និងមិត្តភក្ដិរួមអាជីពសិល្បៈជាច្រើន បានជូនពរលោកនៅ ស៊ីនឿន ។
គូស្នេហ៍របស់នៅ ស៊ីនឿន ជាកូនខ្មែររស់នៅសហរដ្ឋអាមេរិក ។ ពួកគេបានស្គាល់ និងភ្ជាប់ចំណងស្នេហ៍នៅពេល លោកនៅ ស៊ីនឿន ទៅសម្តែងនៅទីនោះកាលពីប៉ុន្មានខែមុន ។
លោកនៅ ស៊ីនឿន បានសារភាពថា នារីម្នាក់នោះពិតជាគូស្នេហ៍របស់លោកមែន ដែលអ្នកទាំងពីរត្រៀមនឹងរៀបចំពិធីភ្ជាប់ពាក្យក្នុងពេល ឆាប់ៗខាងមុខ ក្រោយពីបានស្រឡាញ់គ្នាអស់មួយរយៈខ្លីមក ។ មង្គលការមិនទាន់ច្បាស់ហើយគម្រោងរស់នៅអាមេរិកតាមគូស្នេហ៍នៅមិនទាន់ដឹងទេ ៕
ចែករំលែកព័តមាននេះ