ខេត្តប៉ៃលិន ៖ នាព្រឹកថ្ងៃទី៧ ខែធ្នូ ឆ្នាំ២០១៨ មន្ត្រីកាំកុងត្រូលសហការជាមួយនឹងខាងមន្ទីរពាណិជ្ជកម្មចុះត្រួតពិនិត្យម្ហូបអាហារ និងទំនិញមួយចំនួនដើម្បីរកសារធាតុគីមី ដែលនាំឱ្យប៉ះពាល់ដល់សុខភាព ។ ការចុះពិនិត្យនេះបានធ្វើឡើងនៅក្នុងផ្សារព្រំថ្មី…
ខេត្តប៉ៃលិន ៖ នាព្រឹកថ្ងៃទី៧ ខែធ្នូ ឆ្នាំ២០១៨ មន្ត្រីកាំកុងត្រូលសហការជាមួយនឹងខាងមន្ទីរពាណិជ្ជកម្មចុះត្រួតពិនិត្យម្ហូបអាហារ និងទំនិញមួយចំនួនដើម្បីរកសារធាតុគីមី ដែលនាំឱ្យប៉ះពាល់ដល់សុខភាព ។ ការចុះពិនិត្យនេះបានធ្វើឡើងនៅក្នុងផ្សារព្រំថ្មី ស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីលោក គិត វណ្ណា អនុប្រធានកាំកុងត្រូលសាខាខេត្តប៉ៃលិន បានឱ្យដឹងថា នៅព្រឹកថ្ងៃចុះពិនិត្យនោះ មន្ត្រីជំនាញបានត្រួតពិនិត្យទំនិញម្ហូបអាហារ និងគ្រឿងឧបភោគ បរិភោគចំនួន៥៦មុខ រួមមាន បន្លែ ផ្លែឈើ ត្រីប្រាសំយ៉ុង ប្រហិតសាច់គោ សរសៃគុយទាវ មី ជ្រក់គ្រប់ប្រភេទ គ្រឿងសមុទ្រ លតខៀវ លតស្វិត និងម្ហូបអាហារផ្សេងៗទៀត ដើម្បីធ្វើតេស្តបឋម ស្វែងរកសារធាតុគីមីហាមឃាត់ ដែលធ្វើអោយប៉ះពាល់ដល់សុខភាព ។
លោកបន្តទៀតថា ជាលទ្ធផលមន្ត្រីជំនាញបានរកឃើញ និងដកហូតនូវទំនិញ ម្ហូបអាហារ ដែលមានសារធាតុគីមីហាមឃាត់ដូចជាមឹកចំនួន២គីឡូក្រាម ស្លឹកគូឆាយ១គីឡូក្រាម ស្លឹកខ្ទឹម២គីឡូក្រាម ។
លោកបញ្ជាក់ថា ក្រោយមកមន្ត្រីជំនាញបានធ្វើការណែនាំដល់អាជីវករឱ្យបញ្ឈប់ការយករបស់ទាំងនោះមកលក់ដូរបន្តទៀត និងបានធ្វើការណែនាំដល់អាជីវករដទៃទៀត ឱ្យយល់ដឹងនិងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ចៀសវាងបង្កផលប៉ះពាល់ដល់សុខភាពប្រជាពលរដ្ឋ និងអាចប្រឈមចំពោះមុខច្បាប់ថែមទៀត ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ