រាជធានីភ្នំពេញ ៖ សម្ដេចតេជោ ហ៊ុន សែន និងនាយករដ្ឋមន្ត្រីវៀតណាមអញ្ជើញប្រជុំទ្វេភាគី និងជាអធិបតីក្នុងពិធីចុះហត្ថលេខា លើឯកសារ៦សំខាន់ៗ ។ ការចុះហត្ថលេខានេះបន្ទាប់ពីពិធីបដិសណ្ឋារកិច្ចផ្លូវការរួចមកនៅព្រឹកថ្ងៃទី៧ ខែធ្នូ ឆ្នាំ២០១៨នេះ ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោកនាយករដ្ឋមន្ត្រីវៀតណាម ង្វៀន សួនហ្វ៊ុក បានអញ្ជើញប្រជុំពិភាក្សាចង្អៀតមួយទល់មួយ និងកិច្ចប្រជុំកំពូលទ្វេភាគីចំណាយពេលជាង២ម៉ោង ដែលទទួលបាននូវលទ្ធផលដ៏ត្រចះត្រចង់ ។ នេះ បើតាមបណ្តាញសង្គមហ្វេសប៊ុកសម្តេចតេជោ ។ ក្នុងនោះ គឺប្រមុខដឹកនាំនៃប្រទេសទាំងពីរបានព្រមព្រៀងគ្នាលើអនុស្សារណៈ និងកិច្ចព្រមព្រៀងសំខាន់ៗចំនួន៦ដូចខាងក្រោម ១- អនុសវៀតណាៈនៃការយោគយល់គ្នាស្តីពីយុទ្ធសហប្រតិបត្តិការលើវិស័យដឹកជញ្ជូនសម្រាប់រយៈពេល៧ឆ្នាំពីឆ្នាំ២០១៨-២០២៥ ។
២- វិសោធនកម្មពិធីសារ (ឆ្នាំ២០០៥) សម្រាប់ការអនុវត្តកិច្ចព្រមព្រៀងនៃការដឹកជញ្ជូនតាមផ្លូវគោក (ឆ្នាំ១៩៩៨) ៣-វិសោធនកម្មកិច្ចព្រមព្រៀងស្តីពីការដឹកជញ្ជូនផ្លូវទឹក(២០០៩) ៤-កិច្ចព្រមព្រៀងពាណិជ្ជកម្មតាមព្រំដែនកម្ពុជាវៀតណាម ៥- កិច្ចសម្របសម្រួលជំរុញពាណិជកម្មទ្វេភាគីកម្ពុជា-វៀតណាម សម្រាប់ឆ្នាំ២០១៨-២០១៩ ស្តីពីការអនុគ្រោះលើពន្ធបន្ទាត់ពន្ធគយឲ្យគ្នាទៅវិញទៅមក ៦-កិច្ចព្រមព្រៀងស្តីពីការទប់ស្កាត់ការជួញដូរ ការជីកកកាយដោយខុសច្បាប់ និងការនាំត្រឡប់មកវិញ នូវសម្បត្តិបេតិកភណ្ឌ នៃប្រទេសទាំងពីរកម្ពុជាវៀតណាម ៕
ចែករំលែកព័តមាននេះ