យោងតាមសៀវភៅបច្ចេកទេសកសិករស្តីពីការចិញ្ចឹមអន្ទង់ក្នុងអាងប្លាស្ទិកបានឱ្យដឹងថា អន្ទង់មានដងខ្លួនដូចបំពង់ គ្មានស្រកា មានភ្នែកតូច គ្របដោយស្រទាប់ស្បែកថ្លា ស្តើង ។ គេអាចរកចាប់វាបាននៅតាមគំនរស្មៅតាមវាលស្រែ និងតាមជើងទេរនៃភ្លឺស្រែ ។
អន្ទង់ជាសត្វចូលចិត្តត្បុលភក់ និងលាក់ខ្លួននៅកន្លែងដែលស្តុក ហើយងងឹត វាជាសត្វដែលមានចលនាខ្លាំងនៅពេលយប់ អន្ទង់ជាប្រភេទសត្វស៊ីសាច់ជាអាហារ ។
តាមការស្រាវជ្រាវបានឱ្យដឹងថា អន្ទង់ពេញវ័យចាប់ពីពេលវាមានអាយុពី១ឆ្នាំឡើងទៅ ។ អន្ទង់ឈ្មោលមានទំហំធំជាងអន្ទង់មេ ជាមួយនឹងកន្ទុយហាប់ណែន ។
អន្ទង់មានប្រវែង១៨ទៅ៣៨សង្ទីម៉ែត្រជាអន្ទង់មេ លើសពី៣៨សង្ទីម៉ែត្រឡើងទៅ មានទាំងអន្ទង់មេ និងអន្ទង់ឈ្មោល និងអន្ទង់ខ្ទើយ ៕
ចែករំលែកព័តមាននេះ