ខេត្តបាត់ដំបង ៖ សមត្ថកិច្ចបានឲ្យដឹងថា យ៉ាងហោចណាស់ សត្វឆ្កែចំនួន៦ក្បាលនិងសត្វឆ្មា១ក្បាល ត្រូវបានក្រុមចោរដាក់ថ្នាំបំពុលងាប់ រួចចូលលួចយកម៉ូតូ១គ្រឿងបានដោយសុវត្ថិភាព កាលពីវេលាម៉ោង២រំលងអធ្រាត្រ ឈានចូលថ្ងៃទី៧ ធ្នូ…
ខេត្តបាត់ដំបង ៖ សមត្ថកិច្ចបានឲ្យដឹងថា យ៉ាងហោចណាស់ សត្វឆ្កែចំនួន៦ក្បាលនិងសត្វឆ្មា១ក្បាល ត្រូវបានក្រុមចោរដាក់ថ្នាំបំពុលងាប់ រួចចូលលួចយកម៉ូតូ១គ្រឿងបានដោយសុវត្ថិភាព កាលពីវេលាម៉ោង២រំលងអធ្រាត្រ ឈានចូលថ្ងៃទី៧ ធ្នូ ស្ថិតនៅចំណុចខ្វាវ ក្នុងភូមិភូមិមុខរាហ៍2 ឃុំមុខរាហ៍ ស្រុករុក្ខគិរី
សមត្ថកិច្ចបានប្រាប់ថា ម្ចាស់ផ្ទះរងគ្រោះ ឈ្មោះអៀម បុិល ភេទប្រុស អាយុ៥៣ឆ្នាំ រស់នៅភូមិ-ឃុំកើតហេតុខាងលើ ។ ម៉ូតូដែលត្រូវចោរចូលលួចម៉ាកវ៉េវអាល់ហ្វា ពណ៌ខ្មៅ ស៊េរីឆ្នាំ២០១១ ពាក់ស្លាកលេខ បាត់ដំបង 1W_2849 ។
បើតាមម្ចាស់ផ្ទះបានប្រាប់ថា គាត់មិនបានដឹងថា តើពួកចោរមានបក្សពួកប៉ុន្មានទេ ហើយក៏មិនបានដឹងថា បាត់ម៉ូតូនៅយប់នោះដែរ លុះព្រឹកឡើងបាត់ម៉ូតូពីផ្ទះទើបដឹង ខណ:ឃើញសត្វឆ្មា និងសត្វឆ្កែជាច្រើនក្បាលងាប់រាយប៉ាយពេញមុខផ្ទះ ។
ពេលនេះ សមត្ថកិច្ចកំពុងពិនិត្យកន្លែងកើតហេតុ និងសាកសួរជនរងគ្រោះ ដើម្បីតាមស្រាវជ្រាវលើករណីនេះហើយ ។
ចែករំលែកព័តមាននេះ