ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា ម្តាយរវល់តែដាំបាយឲ្យកូនៗស្រាប់តែកូនតូចៗលង់ទឹកស្លាប់ម្តងពីរ ដែលករណីនេះបានបង្កឲ្យមានការភ្ញាក់ផ្អើល កាលពីវេលាម៉ោង០៤និង១៤នាទីល្ងាចថ្ងៃទី០៦ ខែធ្នូ ឆ្នាំ២០១៨ ស្ថិតនៅចំណុចក្នុងទឹកស្ទឹងសែន ក្នុងភូមិច្រាំងក្រហម ឃុំកំពង់ស្វាយស្រុក ខេត្តកំពង់ធំ ។
លោកវរសេនីយ៍ឯក ខេន ឈុនគ័រ អធិការនគរបាលស្រុកកំពង់ស្វាយប្រាប់ថា ជនរងគ្រោះទី១- ឈ្មោះ វ៉ិត ដាវីត ភេទប្រុស អាយុ៣ឆ្នាំ ឪពុកឈ្មោះ ចក វ៉ិត និងម្តាយឈ្មោះ មឿន សុខ និងទី២-ជនរងគ្រោះឈ្មោះ បឿន សារៈ ភេទប្រុស អាយុ៣ឆ្នាំ កុមារាទាំងពីរនាក់ត្រូវជាបងប្អូនជីដូនមួយនឹងគ្នា មានឪពុកឈ្មោះ ប៉ី បឿន ម្តាយឈ្មោះ មឿន ភឿង ។
បើយោងតាមបំភ្លឺរបស់ម្តាយសពកុមារទាំងពីបានឲ្យដឹងថា កាលពីព្រឹកថ្ងៃកើតហេតុពួកគាត់រវល់ដាំបាយ និងធ្វើម្ហូបនៅលើផ្ទះដោយកូនៗនាំគ្នាដើរលេងអស់ ហើយក៏មិននឹកស្មានថា ពួកវានាំគ្នាទៅលេងក្នុងស្ទឹងនោះទេ នៅពេលដែលគាត់នឹងឃើញដល់កូនៗក៏បានដើររកកូនដែរ តែរកមិនឃើញ សួរគេសួរសួរឯងដែរ តែគ្មានអ្នកណាប្រាប់ថា បានឃើញកូនៗរបស់ពួកគាត់នោះទេ រហូតដល់ពេលជិតល្ងាចទៅហើយស្រាប់តែមានក្មេងៗគ្នាវាប្រាប់ថា វាឃើញកូនមីងចុះទៅលេងនៅក្នុងស្ទឹងឯណោះ ពេលនោះពួកគាត់ក៏បានស្ទុះវឹង ចុះរត់ទៅរកមើលនៅក្នុងស្ទឹងត្រង់ចំណុចកើតហេតុខាងលើក៏បានប្រទះឃើញសពកូនៗរបស់ពួកគាត់ស្លាប់អណ្តែតទាំងពីរនាក់យ៉ាងអាណោចអាធម៌ធ្វើឲ្យពួកគាត់ម្នាក់ៗយំសោកសង្រេងស្ទើគាំបេះដូងស្លាប់ទៅតាមកូនទៅហើយ ដោយសារតែការស្តាយស្រណោះកូនៗដែលកំពុងតែស្រលាញ់ ។
បន្ទាប់ពីទទួលពត៌មានកម្លាំងជំនាញ និងប៉ុស្តិ៍ព្រមទាំងរដ្ឋអំណាចមូលដ្ឋានបានចូលរួមពិនិត្យសពមិនឃើញមានស្លាកស្នាមអ្វីឡើយ ដែលនេះពិតជាស្លាប់ដោយសារលង់ទឹកប្រាកដមែនរួចក៏ប្រគល់ឲ្យក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ