រាជធានីភ្នំពេញ ៖ កង់ឡានចាស់ៗជាច្រើនត្រូវគេដាក់គដុតយកដែកលក់ឱ្យអេតចាយដែលការដុតយ៉ាងអនាធិបតេយ្យនេះ បង្កឲ្យមានការឆេះហុយផ្សែងខ្មៅងងឹតពេញផ្ទៃមេឃបណ្ដាលឲ្យមានការភ្ញាក់ផ្អើល ដល់អាជ្ញាធរនិងសមត្ថកិច្ច ព្រមទាំងប្រជាពលរដ្ឋនៅក្នុងខណ្ឌដង្កោ ដោយម្នាក់ៗស្មានថាជាអគ្គិភ័យនៅទីតាំងណាមួយ ។ ហេតុការណ៍ភ្ញាក់ផ្អើលនេះបានកើតឡើងឡើងកាលពីវេលាម៉ោង២រសៀលថ្ងៃទី៤ ធ្នូ…
រាជធានីភ្នំពេញ ៖ កង់ឡានចាស់ៗជាច្រើនត្រូវគេដាក់គដុតយកដែកលក់ឱ្យអេតចាយដែលការដុតយ៉ាងអនាធិបតេយ្យនេះ បង្កឲ្យមានការឆេះហុយផ្សែងខ្មៅងងឹតពេញផ្ទៃមេឃបណ្ដាលឲ្យមានការភ្ញាក់ផ្អើល ដល់អាជ្ញាធរនិងសមត្ថកិច្ច ព្រមទាំងប្រជាពលរដ្ឋនៅក្នុងខណ្ឌដង្កោ ដោយម្នាក់ៗស្មានថាជាអគ្គិភ័យនៅទីតាំងណាមួយ ។
ហេតុការណ៍ភ្ញាក់ផ្អើលនេះបានកើតឡើងឡើងកាលពីវេលាម៉ោង២រសៀលថ្ងៃទី៤ ធ្នូ ស្ថិតក្នុងដីឡូត៍ទុកទំនេរមួយរបស់លោកឧកញ៉ា ម៉ៅ សុផល ទល់មុខក្រុមហ៊ុនស៊ិនទ្រី ក្នុងភូមិម័ល សង្កាត់ដង្កោ ខណ្ឌដង្កោ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ មានជនមិនស្គាល់អត្តសញ្ញាណ១ក្រុមបានយកសំបកកង់រថយន្តចាស់ៗជាច្រើនទៅដាក់គនៅក្នុងដីឡូត៍ខាងលើ ។
បន្ទាប់មកបានដុតបង្កឲ្យមានការឆេះយ៉ាងសន្ធោសន្ធៅ និងមានផ្សែងខ្មៅខ្មួលខ្មាញ់ហុយឡើងលើអាកាសផ្អើលមេឃ ។ ខណៈពេលឃើញមានផ្សែងខ្មៅងងឹតហុយកប់អាកាសបែបនេះ អាជ្ញាធរនិងសមត្ថកិច្ចព្រមទាំងប្រជាពលរដ្ឋមានការភ្ញាក់ផ្អើលយ៉ាងខ្លាំង ព្រោះស្មានថាភ្លើងឆេះផ្ទះឬឆេះទីតាំងក្រុមហ៊ុន រោងចក្រសហគ្រាសកន្លែងណាមួយហើយ បាននាំគ្នាចេញអន្តរាគមន៍ទៅកាន់កន្លែងកើតហេតុភ្លាមៗដែរដើម្បីជួយទប់ទល់កុំឱ្យវារាលដាល ។
ប្រភពដដែលបានបន្តទៀតថា មិនតែប៉ុណ្ណោះអាជ្ញាធរនិងសមត្ថកិច្ចបាននាំយករថយន្តពន្លត់អគ្គិភ័យ១គ្រឿង ទៅជាមួយផងដែរ ។ លុះពេលទៅដល់ទើបដឹងថា ជាភ្លើងនិងផ្សែងដែលជនមិនស្គាល់មុខដុតសំបកកង់រថយន្តដើម្បីយកដែកលួសលក់អេតចាយ ។ ប៉ុន្តែខណៈនោះអ្នកដុតបានគេចខ្លួនបាត់ទៅហើយ បន្ទាប់មករថយន្តពន្លត់អគ្គិភ័យបានបាញ់ពន្លត់រហូតរលត់ទៅវិញអស់ទាំងស្រុង ។
មិនមានការឆ្លងរាលដាលដល់ផ្ទះប្រជាពលរដ្ឋ ដែលនៅក្បែរៗនោះឡើយ ហើយសមត្ថកិច្ចកំពុងធ្វើការស្រាវជ្រាវដើម្បីរកមុខជនមិនស្គាល់មុខ ដែលធ្វើសកម្មភាពដុតកង់រថយន្តដែលបង្កឱ្យមានការភ្ញាក់ផ្អើលនិងប៉ះពាល់ដល់បរិស្ថានបែបនេះ ដើម្បីយកមកស្រឿសរសៃ ៕
ចែករំលែកព័តមាននេះ