ខេត្តកណ្ដាល ៖ ជនសង្ស័យម្នាក់បានធ្វើសកម្មភាពលួចកាច់សោ.កម៉ូតូ១គ្រឿង ដែលម្ចាស់ចតទុកនៅមុខផ្ទះមួយកន្លែង ក្នុងភូមិសាស្ត្រស្រុកសំរោងទង ខេត្តកំពង់ស្ពឺ ។ បន្ទាប់មកបានជិះគេចខ្លួនចូលទៅក្នុងភូមិសាស្ត្រស្រុកអង្គស្នួល ខេត្តកណ្ដាល ខណៈនោះត្រូវបានកម្លាំងនគរបាលព្រហ្មទណ្ឌស្រុកអង្គស្នួលសហការណ៍ជាមួយកម្លាំងនគរបាលប៉ុស្តិ៍ដំណាក់អំពិល…
ខេត្តកណ្ដាល ៖ ជនសង្ស័យម្នាក់បានធ្វើសកម្មភាពលួចកាច់សោ.កម៉ូតូ១គ្រឿង ដែលម្ចាស់ចតទុកនៅមុខផ្ទះមួយកន្លែង ក្នុងភូមិសាស្ត្រស្រុកសំរោងទង ខេត្តកំពង់ស្ពឺ ។ បន្ទាប់មកបានជិះគេចខ្លួនចូលទៅក្នុងភូមិសាស្ត្រស្រុកអង្គស្នួល ខេត្តកណ្ដាល ខណៈនោះត្រូវបានកម្លាំងនគរបាលព្រហ្មទណ្ឌស្រុកអង្គស្នួលសហការណ៍ជាមួយកម្លាំងនគរបាលប៉ុស្តិ៍ដំណាក់អំពិល ប៉ុស្តិ៍លំហាច និងប៉ុស្តិ៍ព្រៃពួចស្ទាក់ ចាប់ខ្លួនបាន កាលពីវេលាម៉ោង៤និង៣០នាទីល្ងាចថ្ងៃទី៤ ខែធ្នូ ឆ្នាំ២០១៨ ។
នៅចំណុចភូមិទួលសាលា ឃុំព្រៃពួច ស្រុកអង្គស្នួល ខេត្តកណ្តាល ។ ជនសង្ស័យខាងលើឈ្មោះស៊ូ ចន្ទ្រា អាយុ៣៧ឆ្នាំ ជនជាតិខ្មែរ មុខរបរមិនពិតមានទីលំនៅក្នុងភូមិស្នោរទី១ សង្កាត់រការធំ ក្រុងច្បាមន ខេត្តកំពង់ស្ពឺ ។ នៅក្រោយពេលចាប់ខ្លួននគរបាលដកហូតបានម៉ូតូម៉ាកហុងដាឌ្រីម សេ១២៥ស៊េរី ឆ្នាំ២០១៦ ពណ៌ខ្មៅ១គ្រឿង ពាក់ស្លាកលេខកំពង់ស្ពឺ 1J-6689 មួកកន្តឹបខ្មៅ មានអក្សរ NIKE ខ្សែដៃកាឡៃ១ខ្សែ កន្ត្រក ម៉ូតូពណ៌ខ្មៅ១ ។
តាមប្រភពព័ត៌មានបានឲ្យដឹងថា នៅមុនពេលចាប់ខ្លួនជនសង្ស័យខាងលើកម្លាំងនគរបាលបានទទួលព័ត៌មានពីមហាជនល្អថា មានមុខសញ្ញាសង្ស័យជា ចោរលួចកាច់សោ.ក ម៉ូតូ១គ្រឿងចេញពីភូមិសាស្ត្រស្រុកសំរោងទង ខេត្តកំពង់ស្ពឺ ។ ភ្លាមៗនោះកម្លាំងនគរបាលប៉ុស្តិ៍ព្រៃពួច លំហាច ដំណាក់អំពិល និងកម្លាំងនគរបាលព្រហ្មទណ្ឌ ស្រុកអង្គស្នួលចេញអន្តរាគមន៍ និងចាប់ខ្លួនជនសង្ស័យខាងលើបានភ្លាមៗតែម្ដង ។
ប្រភពដដែលបានបន្តថា បន្ទាប់មកបាននាំទៅសាកសួរនៅអធិការដ្ឋាននគរបាលស្រុកអង្គស្នួល ហើយពេលនោះជនសង្ស័យបានសារភាពថា ខ្លួនពិតជាបានធ្វើសកម្មភាពលួចយកម៉ូតូខាងលើនោះមែន ។
ដោយលួចយកចេញពីមុខផ្ទះមួយកន្លែងមិនស្គាល់ភូមិ ស្ថិតនៅតាមផ្លូវលំចូលវត្តធម្មតាអរ ក្នុងស្រុកសំរោងទង ខេត្តកំពង់ស្ពឺ ។ ប៉ុន្តែមិនបានកាច់សោ.កទេ គឺនៅពេលធ្វើដំណើរឆ្លងកាត់បានប្រទះឃើញ ម៉ូតូនោះមានសោស្រាប់ ខ្លួនក៏បានលួចជិះចេញបន្ទាប់មកក៏ត្រូវបាននគរបាលចាប់ខ្លួនតែម្ដង ៕
ចែករំលែកព័តមាននេះ