រាជធានីភ្នំពេញ ៖ ក្មេងប្រុសម្នាក់បានបែកក្បាលស្លាប់ភ្លាមៗនៅក្នុងថ្លុកឈាម ខណៈពេលជិះម៉ូតូ មួយគ្រឿងក្នុងល្បឿនលឿនជ្រុលទៅបុកជាមួយរថយន្តសាំយ៉ុង១គ្រឿងដែលកំពុងបើកឆ្លងផ្លូវ បណ្ដាលឲ្យដួលខ្ទាតផ្លោងបោកជាមួយកញ្ចក់រថយន្តរួចធ្លាក់បោកផ្ទប់ទៅលើថ្នល់១តង់ទៀត។ ឧប្បត្តិហេតុគ្រោះថ្នាក់ចរាចរនេះបានកើតឡើងកាលពីម៉ោង២រសៀល ខែធ្នូ ឆ្នាំ២០១៨ នៅតាមផ្លូវបេតុង…
រាជធានីភ្នំពេញ ៖ ក្មេងប្រុសម្នាក់បានបែកក្បាលស្លាប់ភ្លាមៗនៅក្នុងថ្លុកឈាម ខណៈពេលជិះម៉ូតូ មួយគ្រឿងក្នុងល្បឿនលឿនជ្រុលទៅបុកជាមួយរថយន្តសាំយ៉ុង១គ្រឿងដែលកំពុងបើកឆ្លងផ្លូវ បណ្ដាលឲ្យដួលខ្ទាតផ្លោងបោកជាមួយកញ្ចក់រថយន្តរួចធ្លាក់បោកផ្ទប់ទៅលើថ្នល់១តង់ទៀត។ ឧប្បត្តិហេតុគ្រោះថ្នាក់ចរាចរនេះបានកើតឡើងកាលពីម៉ោង២រសៀល ខែធ្នូ ឆ្នាំ២០១៨ នៅតាមផ្លូវបេតុង ស្ថិតនៅក្នុងភូមិភា សង្កាត់ប្រទះឡាង ខណ្ឌដង្កោ រាជធានីភ្នំពេញ។
តាមប្រភពព័ត៌មានបានឲ្យដឹងថា ក្មេងប្រុសរងគ្រោះឈ្មោះ បូណាត់ សុផាណិត អាយុ១៥ឆ្នាំ មុខរបរសិស្ស ស្នាក់នៅក្បែរកន្លែងកើតហេតុ។ ជិះម៉ូតូ១គ្រឿងម៉ាកហុងដាឌ្រីមសេ១២៥ ពណ៌ក្រហម ពាក់ស្លាកលេខ បាត់ដំបង 1C-2141។ ចំណែករថយន្តសាំយ៉ុងពណ៌ស ពាក់លេខ ភ្នំពេញ 2AQ-4837 បើកបរដោយបុរសឈ្មោះ ឡេង វិបុល អាយុ២៣ឆ្នាំ ស្នាក់នៅក្នុងភូមិអង្គ សង្កាត់ប្រទះឡាង ខណ្ឌដង្កោ។ ប្រភពដដែលបានបន្តថា នៅមុនពេលកើតហេតុក្មេងប្រុសរងគ្រោះបានជិះម៉ូតូធ្វើដំណើរក្នុងល្បឿនលឿនតាមផ្លូវបេតុងកើតហេតុឆ្ពោះឡើងទៅផ្លូវជាតិលេខ៣ក្នុង ទិសដៅពីលិចទៅកើត។
ខណៈពេលទៅដល់ត្រង់ចំណុចកើតហេតុ ស្រាប់តែវាក់ជាមួយរថយន្តសាំយ៉ុងកំពុងបើកបត់ឆ្វេងឆ្លងផ្លូវហើយជាន់ហ្វ្រាំងម៉ូតូមិនទាន់ជ្រុល បុកចំក្បាលរថយន្តយ៉ាងពេញទំហឹង បណ្តាលបោកផ្ទប់នឹងកញ្ចក់រថយន្តស្លាប់ភ្លាមៗនៅកន្លែងកើតហេតុ។ ក្រោយពេលកើតហេតុកម្លាំងនគរបាលការិយាល័យចរាចរផ្លូវគោកនៃស្នងការដ្ឋាន នគរបាលរាជធានីភ្នំពេញ ចុះវាស់វែង ហើយនាំយករថយន្តនិ ងម៉ូតូទៅរក្សាទុករង់ចាំដោះស្រាយតាមផ្លូវច្បាប់៕
https://www.youtube.com/watch?v=r_t6vc_ytQU
ចែករំលែកព័តមាននេះ