ខេត្តព្រៃវែង ៖ បុរសម្នាក់បានធ្វើអត្តឃាត ដោយចងកនៅធ្នឹមផ្ទះស្លាប់ភ្លាមៗ សង្ស័យបណ្តាលពីខ្លួនមានជំប្រចាំកាយរ៉ាំរ៉ៃមើលមិនជា ចេះតែធ្វើទុក្ខរៀងរាល់ថ្ងៃ ទើបសម្រេចចិត្តយ៉ាងនេះទៅ។ ហេតុការណ៍នេះកើតឡើងនៅវេលាម៉ោង៧ និង៣០នាទីព្រឹក ត្រូវនឹងថ្ងៃទី៥ ខែឆ្នូ ឆ្នាំ២០១៨ ស្ថិតនៅផ្ទះរបស់ឈ្មោះ អ៊ុំ បុប្ផា ភេទស្រី អាយុ៥០ឆ្នាំ ជនជាតិខ្មែរ នៅភូមិ១ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
ជនរងគ្រោះឈ្មោះ អ៊ុំ កុសល ភេទប្រុស អាយុ៤៣ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិឃុំខាងលើ បានយកខ្សែភ្លើងពណ៌ស ចងកទៅធ្នឹមផ្ទះ កម្ពស់ពីដី២ម៉ែត្រ បណ្តាលឲ្យស្លាប់។ បើយោងតាមប្រភពពីម្តាយជនរងគ្រោះ បានឲ្យដឹងថា នៅវលាម៉ោងប្រហែល៧ព្រឹក ថ្ងៃទី៥ ធ្នូនេះ បានទូរស័ព្ទទៅជនរងគ្រោះជាច្រើនលើក ដើម្បីចង់ដឹងអំពីជំប្រចាំកាយ តែដោយជនរងគ្រោះមិនលើកក៏មានការសង្ស័យ បានជិះម៉ូតូមកមើល ស្រាប់តែឃើញជនរងគ្រោះចងកសម្លាប់ខ្លួនបាត់ទៅហើយ ភ្លាមៗនោះក្រុមគ្រួសារបានរាយការណ៍ជូន សមត្ថកិច្ច។
ក្រោយពីទទួលបានព័ត៌មានក៏ទៅពិនិត្យ និងធ្វើកោសល្យវិច្ច័យរួចឃើញថា ពិតជាស្លាប់ដោយសារចងកសម្លាប់ខ្លួនពិតប្រាកដមែន។ បច្ចុប្បន្នសមត្ថកិច្ចបានប្រគល់សាកសព ជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ