រាជធានីភ្នំពេញ ៖ ជនសង្ស័យ២នាក់ត្រូវកម្លាំងនគរបាលខណ្ឌឬស្សីកែវសហការជាមួយនគរបាលប៉ុស្តិ៍ស្វាយប៉ាកឃាត់ខ្លួន ពេលធ្វើសកម្មភាពចែកចាយគ្រឿងញៀន។ ការបង្ក្រាបគ្រឿងញៀននេះនៅវេលាម៉ោង១១ព្រឹកថ្ងៃទី៥ ខែធ្នូ ឆ្នាំ២០១៨ នៅត្រង់ចំណុចផ្លូវលំ ក្រុម៧ ភូមិឡកំបោរ សង្កាត់ស្វាយប៉ាក ។
ជនសង្ស័យទាំង២នាក់ខាងលើ ម្នាក់ឈ្មោះ មាញ រតនា ហៅ រាត្រី ភេទប្រុស អាយុ២៥ឆ្នាំ មុខរបរកម្មករឡឥដ្ឋ ស្នាក់នៅ(ឡឥដ្ឋ៥ខ្នង) ក្រុម៧ ភូមិឡកំបោរ សង្កាត់ស្វាយប៉ាក (ជាអ្នកជួញដូរ) និងម្នាក់ទៀតឈ្មោះ សឿន ពិសី ភេទប្រុស អាយុ១៨ឆ្នាំ មានទីលំនៅឡឥដ្ឋ៥ខ្នង ក្រុម៧ ភូមិឡកំបោរ សង្កាត់ស្វាយប៉ាកមុខរបរកម្មករឡឥដ្ឋ (ជាអ្នកប្រើប្រាស់)។
បន្ទាប់ពីឃាត់ខ្លួន សមត្ថកិច្ចដកហូតម្សៅក្រាមពណ៌សថ្លាសង្ស័យជាសារធាតុញៀនចំនួន២៧កញ្ចប់ ឧបករណ៍សំរាប់ប្រើប្រាស់គ្រឿងញៀនមួយចំនួន និងលុយចំនួន៤៥០០០រៀល។
តាមប្រភពពីនគរបាលបានអោយដឹងថា ដោយមានការស្រាវជ្រាវនគរបាលក៍ឈានទៅធ្វើការឆែកឆេរផ្ទះឃាត់ខ្លួនជនសង្ស័យកំពុងតែធ្វើសសកម្មភាពចែកចាយគ្រឿងញៀនព្រមទាំងដកហូតបានថ្នាំញៀនតែម្តង៕
ចែករំលែកព័តមាននេះ