ខេត្តតាកែវ ៖ ក្មេងស្រីម្នាក់អាយុ៩ឆ្នាំបានត្រូវជនប្រមឹកម្នាក់ ចាប់យកទៅរំលោភរួចសម្លាប់ចោលយ៉ាងព្រៃផ្សៃ កាលថ្ងៃទី៣ ខែធ្នូ វេលាម៉ោង៣ និង៤៥នាទីរសៀល នៅភូមិជម្ពូព្រឹក្ស ឃុំចំប៉ា…
ខេត្តតាកែវ ៖ ក្មេងស្រីម្នាក់អាយុ៩ឆ្នាំបានត្រូវជនប្រមឹកម្នាក់ ចាប់យកទៅរំលោភរួចសម្លាប់ចោលយ៉ាងព្រៃផ្សៃ កាលថ្ងៃទី៣ ខែធ្នូ វេលាម៉ោង៣ និង៤៥នាទីរសៀល នៅភូមិជម្ពូព្រឹក្ស ឃុំចំប៉ា ស្រុកព្រៃកប្បាស ។
លោក ជុំ ឈឿន អធិការនគរបាលស្រុកព្រៃកប្បាសបានឲ្យដឹងថា ករណីរំលោភសម្លាប់នេះ គឺបង្កឡើងដោយជនឈ្មោះ យ៉េន ធី ភេទប្រុស អាយុ៣៧ឆ្នាំ មុខរបរមិនពិតប្រាកដ និងជាមនុស្សស្រវឹងខួប រស់នៅក្នុងភូមិជាមួយគ្នា ចំណែកក្មេងស្រីរងគ្រោះអាយុ៩ឆ្នាំ ។
លោកអធិការបន្តថា មុនពេលកើតហេតុ ជនសង្ស័យបានចាប់ក្មេងស្រីយកទៅរំលោភនៅផ្ទះរបស់ខ្លួន ខណៈស្រវឹងស្រាជោកជាំ ។ ពេលកំពុងធ្វើសកម្មភាព ក៏ត្រូវក្មេងប្រុសម្នាក់ឈ្មោះសម្បត្តិ ផាន់ណេត អាយុ១៤ឆ្នាំ រស់នៅក្នុងភូមិ-ឃុំជាមួយគ្នាឃើញ ។ ក្រោយពីដឹងថា មានគេឃើញហើយ ជនឈ្មោះ យ៉េន ធី ក៏ចាប់ច្របាច់កក្មេងស្រីរងគ្រោះរហូតស្លាប់ រួចយកសពទៅទម្លាក់ចោលក្នុងទឹកស្រះខាងលិចផ្ទះរបស់ខ្លួន ហើយរត់គេចខ្លួនបាត់ ។
ក្រោយពីពិនិត្យនិងធ្វើកោសល្យវិច័យសពរួចមក សមត្ថកិច្ចសន្និដ្ឋានថា ក្មេងស្រីរងគ្រោះ ពិតជាត្រូវរំលោភនិងសម្លាប់ប្រាកដមែន និងបានប្រគល់សពជូនក្រុមគ្រួសារដើម្បីធ្វើបុណ្យតាមប្រពៃណី ចំណែកជនសង្ស័យក្នុងករណីនេះ សមត្ថកិច្ចកំពុងតាមប្រមាញ់ ៕
ចែករំលែកព័តមាននេះ