ខេត្តបាត់ដំបង ៖ សមាគមអតីតយុទ្ធជនខេត្តបាត់ដំបងបន្តចែកផ្ទះ ដែលខ្នងផ្ទះទី១០៣ ទី១០៤ ដែលជាអំណោយថ្លៃថ្លាសម្តេចតេជោ ហ៊ុន សែន ប្រធានសមាគមអតីតយុទ្ធកម្ពុជាបានប្រគល់ជូនអតីតយុទ្ធជនចំនួន០២គ្រួសារ នៅស្រុកថ្មគោលបន្ថែមទៀត។
ដោយនៅវេលាម៉ោង០៩និង០០នាទី ថ្ងៃទី៥ ខែធ្នូ ឆ្នាំ២០១៨ ដោយលោកឧត្តមសេនីយ៍ទោ អ៊ុក ឃ្នួច មេបញ្ជាកា តំបន់ប្រតិបត្តិការសឹករងបាត់ដំបង ប្រធាន ស.អ.ក ខេត្ត លោកវរសេនីយ៍ទោ ពៅ ថាវុធ ស្នងការរងនៃស្នងការដ្ឋាននគរបាលខេត្ត សមាជិកគណៈកម្មាធិការ ស.អ.ក ខេត្ត លោកវរសេនីយ៍ទោ រ៉ុង ប៉ុក មេបញ្ជាការរងកងរាជអាវុធហត្ថខេត្តសមាជិកគណកម្មាធិការ ស.អ.ក ខេត្តអញ្ជើញជាអធិបតីក្នុងពិធីប្រគល់ផ្ទះចំនួន០២ខ្នងនៅស្រុកថ្មគោល អញ្ជើញចូលរួមមានអស់លោក សមាជិកគណៈកម្មាធិការ ស.អ.ក ខេត្ត លោកអភិបាលនៃគណៈអភិបាលស្រុក ប្រធានកិត្តិយស ស.អ.ក ស្រុក លោកប្រធានអនុប្រធាន ស.អ.ក ស្រុក ក្រុមការងារ ស.អ.ក ខេត្ត-ស្រុក ។
លោកប្រធានកិត្តិយសសាខាឃុំ លោកប្រធានសាខាឃុំ និងអាជ្ញាធរដែនដីសរុបចំនួន៣៤នាក់ ។ ខ្នងផ្ទះទី១០៣ ទី១០៤ ក្នុងចំណោមផ្ទះទាំង១១១ខ្នង របស់សមាគមអតីតយុទ្ធជនកម្ពុជាខេត្តបាត់ដំបងធ្វើអំពីឈើប្រក់ស័ង្កសីរៀបការ៉ូបាត និងរៀបជញ្ជាំងឥដ្ឋកម្ពស់០១ម៉ែត្រ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាប្រធានសមាគមអតីតយុទ្ធជនកម្ពុជាផ្តល់ជូនអតីតយុទ្ធជនចំនួន០២គ្រួសារ ដែលមានជីវភាពទីទ័លក្រគ្មានទីជម្រករស់នៅសមរម្យមាន១- ឈ្មោះ ហ៊ាន ហៀក ជាជនពិការ ភេទប្រុស អាយុ៥៣ឆ្នាំ ទទួលបានផ្ទះទំហំ (៤ម៉ែត្រគុណ ៦ម៉ែត្រ) តសំយ៉ាបក្រោយ ទំហំ(៣ម៉ែត្រ គុណ២.៥ម៉ែត្រ) ស្ថិតនៅភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង ។ ២-ឈ្មោះ សេង ឡា ជាគ្រួសារពលី ភេទស្រី អាយុ៥៥ឆ្នាំ ទទួលបានផ្ទះទំហំ (៤ម៉ែត្រ គុណ ៦ម៉ែត្រ) តសំយ៉ាបក្រោយទំហំ(៣ម៉ែត្រគុណ ២.៥ម៉ែត្រ) នៅភូមិស្លាស្លាក់ ឃុំអន្លង់រុន ស្រុកថ្មគោល ខេត្តបាត់ដំបង ។
កម្មវិធីនេះម្ចាស់ផ្ទះទទួលបានគ្រឿងឧបភោគបរិភោគ រួមមានថវិកា ២០០,០០០រៀល, អង្ករចំនួន១០០គីឡូក្រាម, ទឹកត្រី០១យួរ, ទឹកស៊ីអីវ០១យួរ, ត្រីខ០១យួរ, ឆ្នាំង ចាន មុង ០១, ភួយ ០១ និងកន្ទេល ០១ ។
ដោយឡែកអតីតយុទ្ធជនរស់នៅក្បែរខាង ដែលបានចូលរួមអបអរសាទរចំនួន១០នាក់ ម្នាក់ៗទទួលបានថវិកាចំនួន៣០,០០០រៀលផងដែរ ៕
ចែករំលែកព័តមាននេះ