ខេត្តកំពត ៖ ដើម្បីអនុវត្តន៍ឲ្យបានល្អនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធិភាព និងមានភាពកក់ក្តៅជូនប្រជាពលរដ្ឋនូវអំពើចោរកម្មផ្សេងៗ ដែលកើតចេញពីការចាញ់ល្បែងភ្នាល់គ្រប់ប្រភេទ នាពេលកន្លងមកក៏ដូចជា ពេលបច្ចុប្បន្នកម្លាំងអន្តរាគមន៍ឈុតខ្មៅរបស់ស្នងការនគរបាលខេត្ត ។ ដែលដឹកនាំដោយលោកវរសេនីយទោ លក…
ខេត្តកំពត ៖ ដើម្បីអនុវត្តន៍ឲ្យបានល្អនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធិភាព និងមានភាពកក់ក្តៅជូនប្រជាពលរដ្ឋនូវអំពើចោរកម្មផ្សេងៗ ដែលកើតចេញពីការចាញ់ល្បែងភ្នាល់គ្រប់ប្រភេទ នាពេលកន្លងមកក៏ដូចជា ពេលបច្ចុប្បន្នកម្លាំងអន្តរាគមន៍ឈុតខ្មៅរបស់ស្នងការនគរបាលខេត្ត ។
ដែលដឹកនាំដោយលោកវរសេនីយទោ លក ញ៉ាវ ដោយមានការចង្អុលបញ្ជាពីលោកឧត្តមសេនីយទោ ម៉ៅ ចន្ទ័មធុរិទ្ធ ស្នងការខេត្ត និងមានការសម្រួលនីតិវិធីពីលោកជ័យ រិទ្ធី ព្រះរាជអាជ្ញារងអមសាលាដំបូងខេត្ត កាលពីរសៀលថ្ងៃទី៤ ខែធ្នូ ឆ្នាំ២០១៨ នេះបានចុះបង្ក្រាបទីតាំងសង្វៀនល្បែងស៊ីសងភ្នាល់ជល់មាន់មួយកន្លែង នៅភូមិព្រៃជនៀង ឃុំបានៀវ ស្រុកឈូក ខេត្តកំពត ។
ក្នុងករណីចុះបង្ក្រាបបនល្បែងខាងលើកម្លាំងសមត្ថកិច្ចស្នងការខេត្តបានចាប់ឃាត់ខ្លួនជនសង្ស័យញៀនល្បែងភ្នាល់ជល់មាន់ចំនួន៥នាក់ មានវត្ថុតាងមានជល់១ក្បាល ជញ្ជីងថ្លឹងមាន់មួយគ្រឿង និងម៉ូតូ៨គ្រឿង នាំមកកាន់ស្នងការខេត្ត ដើម្បីធ្វើការសាកសួរ ។
លោកវរសេនីយទោលក ញ៉ាវ នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបានឲ្យដឹងថា ជនសង្ស័យដែលកម្លាំងសមត្ថកិច្ចឃាត់ខ្លួនទាំង៥នាក់នោះមាន ទី១-ឈ្មោះ ស៊ន ចាន់នី ភេទប្រុស អាយុ២៨ឆ្នាំ រស់នៅភូមិព្រៃជនៀង ឃុំបានៀវ ស្រុកឈូក ខេត្តកំពត ទី២- ឈ្មោះ អ៊ន ណែត ភេទប្រុស អាយុ២៩ឆ្នាំ រស់នៅភូមិតាមុំ ឃុំបានៀវ ស្រុកឈូក ខេត្តកំពត ទី៣- ឈ្មោះ ជន ម៉ោញ ភេទប្រុស អាយុ៣៣ឆ្នាំ រស់នៅភូមិដូនយ៉យ ឃុំដូនយ៉យ ស្រុកឈូក ខេត្តកំពត ទី៤- ឈ្មោះ លឹម ប៊ុនតើយ ភេទប្រុស អាយុ២៦ឆ្នាំ រស់នៅភូមិតាមុំឃុំបានៀវ ស្រុកឈូក ខេត្តកំពត ទី៥- ឈ្មោះ សុច ទុំ ភេទប្រុស អាយុ២៦ឆ្នាំ រស់នៅភូមិកណ្តាល ឃុំដូនយ៉យ ស្រុកឈូក ខេត្តកំពត ។
លោកបានបន្តទៀតថា ជនសង្ស័យទាំង៥នាក់ រួមនឹងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមនីតិវិធី ៕
ចែករំលែកព័តមាននេះ