រាជធានីភ្នំពេញ ៖ យុវជនម្នាក់បែកថ្នាំខ្លាំងពេករករឿងវាយបងប្រុស ពេលម្តាយទៅឃាត់ខឹង បានវាយម្តាយបែកក្បាល និងបំផ្លាញទ្រព្យសម្បត្តិក្នុងផ្ទះខូចខាត ធ្វើឲ្យម្តាយទ្រាំមិនបានប្តឹងសមត្ថកិច្ចឱ្យឃាត់ខ្លួន បង្កអោយមានការភ្ញាក់ផ្អើលកាលវេលម៉ោង៦នឹង៤០នាទីយប់ថ្ងៃទី៤ ខែធ្នូ ឆ្នាំ២០១៧…
រាជធានីភ្នំពេញ ៖ យុវជនម្នាក់បែកថ្នាំខ្លាំងពេករករឿងវាយបងប្រុស ពេលម្តាយទៅឃាត់ខឹង បានវាយម្តាយបែកក្បាល និងបំផ្លាញទ្រព្យសម្បត្តិក្នុងផ្ទះខូចខាត ធ្វើឲ្យម្តាយទ្រាំមិនបានប្តឹងសមត្ថកិច្ចឱ្យឃាត់ខ្លួន បង្កអោយមានការភ្ញាក់ផ្អើលកាលវេលម៉ោង៦នឹង៤០នាទីយប់ថ្ងៃទី៤ ខែធ្នូ ឆ្នាំ២០១៧ នៅផ្ទះក្នុងភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ ។
ជនរងគ្រោះជាម្ដាយឈ្មោះ យន់ ចាន់សីណាត អាយុ៤៦ឆ្នាំ មុខរបរចុងភៅ រស់នៅភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ ។ ចំណែកជនសង្ស័យត្រូវជាកូនឈ្មោះ ប៉ែន សុទ្ធារ ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅភូមិកើតហេតុខាងលើ។
តាមប្រភពព័ត៌មានពីស្ត្រីជាម្តាយបាននិយាយប្រាប់ថា គាត់មានកូនចំនួន៦នាក់ កូនបងអាយុ២៧ឆ្នាំ កូនពៅភ្លោះអាយុ២០ឆ្នាំ ចំណែកជនសង្ស័យជាកូនទី៤ ហើយកូនរបស់គាត់សុទ្ធតែ ប្រុសទាំងអស់ ។ គាត់ជាស្ត្រីមេម៉ាយ ប្តីទៅមានស្រីទុកអោយគាត់ចិញ្ចឹមកូនទាំង៦នាក់ជិត២០ឆ្នាំមកហើយ។
ប្រភពដដែលបានបន្តថា នៅយប់ថ្ងៃទី៣ ខែធ្នូ ឆ្នាំ២០១៨ ជនសង្ស័យខាងលើមានជំលោះជាបងប្រុសរបស់ខ្លូន ហើយរូបគាត់បានទៅឃាត់កុំអោយឈ្លោះប្រកែកគ្នា ហើយកូនប្រុសដែលជាជនសង្ស័យខឹងគាត់បានបំផ្លិចបំផ្លាញទ្រព្យសម្បត្តិក្នុងផ្ទះ ដូចជាវាយទ្វារនិងបង្អួច និងសំភារៈនៅក្នុងផ្ទះខ្ទេចគ្មានសល់ គាត់ក៏បានទូរស័ព្ទប្តឹងសមត្ថកិច្ចអោយជួយអន្តរាគមន៍ផងដែរ ។
ស្ត្រីខាងលើបានបញ្ជាក់ទៀតថា កូនប្រុសរបស់គាត់ធ្លាប់បំផ្លិចបំផ្លាញទ្រព្យសម្បត្តិជាច្រើនដងមកហើយ និងធ្លាប់ប្តឹងសមត្ថកិច្ចអោយធ្វើការអប់រំជាច្រើនដងផងដែរតែមិនកែប្រែសោះ ។
ប្រភពព័ត៌មានបានបន្តថា នៅថ្ងៃកើតហេតុ គាត់ទើបមកពីធ្វើការ(ចុងភៅ)វិញ ស្រាប់តែជនសង្ស័យដែលជាកូនបានឈ្លោះប្រកែកជាមួយបងរបស់ខ្លួនទៀត ហើយគាត់បានហាមម្តងទៀត ស្រាប់តែជនសង្ស័យដែលជាកូនបានយកដែកគប់សំដៅគាត់ បណ្តាលអោយបែកក្បាល ហើយបានយកកាំបិតបុ័ងតោបំរុងអារ.កគាត់ទៀតផង ទើបគាត់បានប្តឹងសមត្ថកិច្ចអោយជួយអន្តរាគមន៍ និងឃាត់ខ្លួនកូនរបស់គាត់ភ្លាមៗផងដែរ ។
ក្រោយពេលកើតហេតុ ផ្អែកទៅលើភស្តុតាងជាក់ស្ដែង សមត្ថកិច្ចនគរបាលប៉ុស្តិ៍ចោមចៅទី៣បានកសាងសំណុំរឿងបញ្ជូនទៅជំនាញផ្នែកព្រហ្មទណ្ឌខណ្ឌពោធិ៍សែនជ័យដើម្បីចាត់ការតាមនីតិវិធី ៕
ចែករំលែកព័តមាននេះ