ខេត្តកំពង់ស្ពឺ ៖ លោកយាយអាយុ៧៤ឆ្នាំម្នាក់ បានបែកពពុះមាត់ប្រកាច់ស្លាប់នៅក្នុងគ្លីនិកឯកជនមួយកន្លែងយីហោ «ជា ហ៊ីម» សង្ស័យកូនស្រីរបស់លោកគ្រូពេទ្យចាក់ថ្នាំខុស ក្រោយកើតហេតុម្ចាស់គ្លីនិកខាងលើ បានដេញកូនចៅសាច់ញាតិឱ្យដឹកសពលោកយាយដែលស្លាប់ទៅហើយនោះ យកទៅមន្ទីរពេទ្យបង្អែកខេត្តកំពង់ស្ពឺវិញ…
ខេត្តកំពង់ស្ពឺ ៖ លោកយាយអាយុ៧៤ឆ្នាំម្នាក់ បានបែកពពុះមាត់ប្រកាច់ស្លាប់នៅក្នុងគ្លីនិកឯកជនមួយកន្លែងយីហោ «ជា ហ៊ីម» សង្ស័យកូនស្រីរបស់លោកគ្រូពេទ្យចាក់ថ្នាំខុស ក្រោយកើតហេតុម្ចាស់គ្លីនិកខាងលើ បានដេញកូនចៅសាច់ញាតិឱ្យដឹកសពលោកយាយដែលស្លាប់ទៅហើយនោះ យកទៅមន្ទីរពេទ្យបង្អែកខេត្តកំពង់ស្ពឺវិញ សង្ស័យជាលេសដោះបន្ទុកតែប៉ុណ្ណោះ ។
ដោយឡែក កូនគ្រូពេទ្យនោះសង្ស័យមិនមានជំនាញខាងព្យាបាលជំងឺឡើយ ។ បន្ទាប់ពីទទួលបានព័ត៌មានថាមានលោកយាយម្នាក់បានស្លាប់នៅក្នុងគ្លីនិកឯកជនមួយនៅក្នុងស្រុកឱរ៉ាល់ ហើយបញ្ជូនមកមន្ទីរពេទ្យបង្អែកខេត្ត ក្រុមអ្នកសារព័ត៌មានចុះទៅផ្តិតយករូបភាព មកធ្វើការផ្សព្វផ្សាយ ស្រាប់តែមានលោកគ្រូពេទ្យម្នាក់ និងលោកអនុប្រធានមន្ទីរពេទ្យបង្អែកមានឈ្មោះ លី ហាមក្រុមអ្នកសារព័ត៌មានមិនឱ្យថតរូបលោកយាយដែលស្លាប់នោះឡើយ ដោយអះអាងថា មានថ្នាក់លើឈ្មោះ គ្រុយ ជាអនុរដ្ឋលេខាធិការក្រសួងសុខាភិបាល មិនឱ្យក្រុមអ្នកសារព័ត៌មានថតរូបក្នុងមន្ទីរពេទ្យឡើយ និងមិនសហការជាមួយក្រុមអ្នកសារព័ត៌មានទៀតផង។
ការហាមប្រាមក្រុមអ្នកសារព័ត៌មានបែបនេះ សង្ស័យតែម្ចាស់គ្លីនិកឯកជនយីហោ «ជា ហ៊ីម» នោះ ជាសាច់ញាតិរបស់អស់លោកគ្រូពេទ្យនោះហើយមើលទៅ ឬមួយក៏ខ្លាចក្រុមអ្នកសារព័ត៌មានដឹងរឿងក្នុងមន្ទីរពេទ្យបង្អែកខេត្តនេះហើយ ទើបហាមប្រាមក្រុមអ្នកសារព័ត៌មានថតបែបនេះ ។
ហេតុការណ៍ភ្ញាក់ផ្អើលលោកយាយម្នាក់ស្លាប់នៅក្នុងគ្លីនិកឯកជនយីហោ ជា ហ៊ីម នោះ កើតឡើងកាលពីវេលាម៉ោង៩ព្រឹកថ្ងៃទី០៤ វិច្ឆិកា ឆ្នាំ២០១៨ នៅក្នុងគ្លីនិកឯកជនយីហោ «ជា ហ៊ីម » នៅក្នុងភូមិផ្សារកន្តួត ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
បើតាមសម្តីរបស់ស្ត្រីម្នាក់មានឈ្មោះលាង ស្រីមុំ អាយុ៣៦ឆ្នាំ ជាកម្មការិនីរោងចក្រ រស់នៅក្នុងភូមិ ឃុំ ខាងលើ ជាកូនលោកយាយរងគ្រោះនិយាយថា លោកយាយមានឈ្មោះពៅ យ៉ាន អាយុ៧៤ឆ្នាំ អ្នកបោកខោអាវឱ្យគេ ស្នាក់នៅជាមួយកូនក្នុងភូមិ-ឃុំខាងលើ។
ព័ត៌មានពិស្តារនឹងមានផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ