ខេត្តកំពង់ស្ពឺ ៖ គ្រោះថ្នាក់ចរាចរណ៍រវាងម៉ូតូបុកជាមួយម៉ូតូ បណ្តាលឱ្យមនុស្សម្នាក់បានស្លាប់ និងម្នាក់ទៀតបានរងរបួសស្រាល ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង៦និង៥៥នាទីថ្ងៃទី៤ ខែធ្នូ ឆ្នាំ២០១៨ លើផ្លូវជាតិលេខ៤…
ខេត្តកំពង់ស្ពឺ ៖ គ្រោះថ្នាក់ចរាចរណ៍រវាងម៉ូតូបុកជាមួយម៉ូតូ បណ្តាលឱ្យមនុស្សម្នាក់បានស្លាប់ និងម្នាក់ទៀតបានរងរបួសស្រាល ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង៦និង៥៥នាទីថ្ងៃទី៤ ខែធ្នូ ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រលេខ៤១និង៤២ ចំណុចភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ។
ភាគីម៉ូតូមួយគ្រឿងម៉ាកហុងដា ធុនសេ១២៥ ស៊េរីឆ្នាំ២០១៨ ពណ៌ខ្មៅ ពាក់ផ្លាកលេខ កំពង់ស្ពឺ ១I-៦៩១៨ បើកបរដោយឈ្មោះ យី សុភាន់ ភេទប្រុស អាយុ១៨ឆ្នាំ នៅភូមិរំលោងប្រឃ្លះ សង្កាត់សុព័រទេព ក្រុងច្បារមន ខេត្តកំពង់ស្ពឺ បានស្លាប់ ។ ចំណែកភាគីម៉ូតូម៉ាកហ្សូមមើ ពណ៌ខ្មៅលាយ ក្រហម ពាក់ផ្លាកលេខ ភ្នំពេញ ១HF-៦២៩២ បើកបរដោយឈ្មោះ luo Ting ភេទប្រុសអាយុ៥១ឆ្នាំ ជាជនជាតិចិន ស្នាក់នៅ រោងចក្រដូប្រូភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ បានរងរបួសស្រាល។
ប្រភពពីសមត្ថកិច្ចបានអោយដឹងថា មុនពេលកើតហេតុគេឃើញម៉ូតូម៉ាកហុងដាបើកបរយ៉ាងលឿនក្នុងទិសដៅពីកើតទៅលិចលុះមកដល់ចំណុចខាងលើ បានបុកជាមួយមួយគ្រឿងម៉ាកហ្សូមមើអិចដែលឆ្លងផ្លូវពីត្បូងទៅជើង បណ្តាលអោយដួលទាំងសងខាងតែម្តង ហើយភាគីអ្នកបើកបរម៉ូតូម៉ាកហុងដាបានរងរបួសធ្ងន់ ចំណែកភាគីអ្នកបើកបរម៉ូតូម៉ាកហ្សូមមើបានរងរបួសស្រាល ។ ជនរងគ្រោះទាំង២នាក់ត្រូវបានសមត្ថកិច្ចបញ្ជូនទៅសង្គ្រោះនៅគ្លីនិកឯកជនមួយកន្លែង ។
តាមប្រភពព័ត៌មានបានបន្តថា ដោយសាររបួសធ្ងន់ធ្ងរពេក អ្នកបើកបរម៉ូតូម៉ាកហុងដាបានស្លាប់ ។
បន្ទាប់ពីធ្វើកំណត់ហេតុរួចរាល់ សមត្ថកិច្ចនាំយកវត្ថុតាងម៉ូតូទាំង២គ្រឿងទៅ រក្សាទុកនៅអធិការដ្ឋាននគរបាលស្រុកសំរោងទងដើម្បីដោះស្រាយតាមនីតិវិធី៕
ចែករំលែកព័តមាននេះ