តាមប្រភពពី Metroបានឱ្យដឹងថា បុរសអាយុ៣៥ឆ្នាំម្នាក់ បានក្លាយទៅជាមនុស្សមានអណ្តាតវែងជាងគេ ដោយសារតែអាចលៀនទៅលិតថ្ងាសខ្លួនឯងបាន ។
គាត់ គឺជាអ្នកបើកបររថយន្តក្រុង នៅនេប៉ាល់ Yagya Bahadur Katuwal បានក្លាយទៅជាតារាហ្វេសប៊ុកមួយរំពេច ក្រោយពីមិត្តភក្តិរបស់គេបង្ហោះវីឌីអូ បង្ហាញពីសមត្ថភាពពិសេស ដែលអាចលៀនអណ្តាតលិតថ្ងាស់ខ្លួនឯងបាន។ សាមីខ្លួនផ្ទាល់ បានអះអាងថា ខ្លួនមានអណ្តាតវែងជាងគេលើលោក តែមិនសូវហ៊ានបញ្ចេញច្រើនដងនោះទេ ព្រោះវាអាចធ្វើឲ្យក្មេងៗខ្លាច។
គាត់ក៏បាននិយាយទៀតថា គេគឺជាមនុស្សតែមួយគត់លើលោក ដែលអាចលិតថ្ងាសរបស់ខ្លួនឯងបាន។
Yagya បាននិយាយថា៖ «ខ្ញុំគិតថា ខ្ញុំមើលទៅឡូយណាស់ ។ ខ្ញុំអាចគ្របច្រមុះរបស់ខ្ញុំ ដោយប្រើមាត់របស់ខ្ញុំ។ ខ្ញុំក៏អាចលិតថ្ងាសរបស់ខ្ញុំ ហើយធ្វើជាសម្លេងម៉ូតូបានទៀត ។ ប្រសិនបើខ្ញុំទៅថតរឿងខ្មោចវិញ គឺខ្ញុំមិនចាំបាច់គូរមុខអីនោះទេ។ ខ្ញុំចង់ជាប់កំណត់ត្រា Guinness ពិភពលោក ចំពោះការដែលអាចលិតថ្ងាសរបស់ខ្លួនឯងបាន» ។
Yagya អួតខ្លួនគេថា អាចមានសមត្ថភាពពិសេសបែបនេះ ប្រហែលជាមិនទាន់ស្គាល់ថា ស្រុកយើងមាននាយចយនោះទេ ។
ចែករំលែកព័តមាននេះ