ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៦និង៤០នាទីព្រឹកថ្ងៃទី០៥ខែធ្នូ ២០១៨ មានករណីគ្រោះថ្នាក់ចរាចរណ៍០១កើតឡើង លើដងផ្លូវជាតិលេខ៤ចន្លោះគីឡូម៉ែត្រ១៨៤.១៨៥ ស្ថិតក្នុងភូមិបន្ទាយប្រីយ៍អណ្តូងថ្ស្រុកព្រៃនប់ ខេត្តព្រះសីហនុ រវាងម៉ូតូ០១គ្រឿងម៉ាកហុងដាសេ១២៥…
ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៦និង៤០នាទីព្រឹកថ្ងៃទី០៥ខែធ្នូ ២០១៨ មានករណីគ្រោះថ្នាក់ចរាចរណ៍០១កើតឡើង លើដងផ្លូវជាតិលេខ៤ចន្លោះគីឡូម៉ែត្រ១៨៤.១៨៥ ស្ថិតក្នុងភូមិបន្ទាយប្រីយ៍អណ្តូងថ្ស្រុកព្រៃនប់ ខេត្តព្រះសីហនុ រវាងម៉ូតូ០១គ្រឿងម៉ាកហុងដាសេ១២៥ ពណ៌ខ្មៅ គ្មានស្លាកលេខទិសដៅពីភ្នំពេញមកខេត្តព្រះសីហនុ ។
ចំណែកអ្នកបើកបរឈ្មោះ តែម ភារម្យ ភេទប្រុស អាយុ១៤ឆ្នាំ មានទីលំនៅភូមិសំរុង លើឃុំសំរុង ស្រុកព្រៃនប់ ខេត្តព្រះសីហនុ លុះមកដល់ចំណុចកើតហេតុខាងលើម៉ូតូបានបើកវ៉ារថយន្ត០១គ្រឿងក្នុងទិសដៅស្របគ្នារួចក៏ជ្រុលទៅបុករថយន្ត០១គ្រឿងទៀតពេញទំហឹងម៉ាកPeterbilt ក្បាលពណ៌ទឹកប៊ិច អ្នកបើកបរគេចខ្លួនបាត់បណ្តាលអោយឈ្មោះ តែម ភារម្យ រងរបួសធ្ងន់ និងឈ្មោះ សាន់ ក្តាម ភេទស្រី អាយុ២៦ឆ្នាំ មុខរបរកម្មការីរោងចក្រ មានទីលំនៅភូមិសំរុងលើ ឃុំសំរុង ស្រុកព្រៃនប់ ខេត្តព្រះសីហនុ ជាអ្នករួមដំណើរស្លាប់ភ្លាមៗនៅនឹងកន្លែងកើតហេតុ ។
បច្ចុប្បន្នសពត្រូវបានសាច់ញាតិយកទៅធ្វើបុណ្យតាមប្រពៃណីចំណែកអ្នករបួសកំពុងសង្គ្រោះនៅគ្លីនិកឯកជនវាលរេញ រីឯវត្ថុតាងយកមករក្សាទុកនៅអធិការដ្ឋាននគរបាលស្រុកព្រៃនប់ ៕
ចែករំលែកព័តមាននេះ