ប្រទេសម៉ិកស៊ិក ៖ អាជ្ញាធររាយការណ៍ថា ប៉ូលិស៦នាក់បានត្រូវស្លាប់កាលពីថ្ងៃទី៣ ធ្នូ ដោយគ្រាប់កាំភ្លើងនៅរដ្ឋ JALISCO ភាគខាងលិចប្រទេស ជាការវាយប្រហារយ៉ាងបង្ហូរឈាមមួយប្រឆាំងកងកម្លាំងសន្តិសុខម៉ិកស៊ិក ពុំធ្លាប់មានចាប់តាំងពិីច្រើនខែមកហើយ ២ថ្ងៃក្រោយការចូលកាន់តំណែងរបស់ប្រធានាធិបតីថ្មី លោកANDRES MANUEL LOPEZ OBRADOR។
ក្នុងសារតាមTWITTERមួយអគ្គរដ្ឋអាជ្ញារដ្ឋJALISCOរៀបរាប់ថា ប៉ូលិសសហព័ន្ធ៦នាក់បានត្រូវស្លាប់ ហើយម្នាក់ទៀតរងរបួស ក្នុងការបាញ់ប្រហារមួយនៅទីក្រុងHUERTA ខាងលិចក្រុងGUADALAJARA ទីប្រជុំជនតំំបន់។ អ្នកនាំពាក្យអយ្យការម្នាក់និយាយថា អត្តសញ្ញាណរបស់ពួកឃាតករនៅពុំទាន់អាចកំណត់ច្បាស់នៅឡើយ ប៉ុន្តែទីនោះជាដែនដីរបស់ក្រុមរត់ពន្ធគ្រឿងញៀនដ៏ខ្លាំងបំផុតមួយនៅមិុកសុិក គឺក្រុមជំនាន់ថ្មីនៃរដ្ឋJALISCO។
ជាប់ឆ្នោតកាលពីខែកក្កដា ប្រធានាធិបតីថ្មីលោកANDRES MANUEL LOPEZ OBRADORដែលចូលកាន់តំណែងកាលពីថ្ងៃទី១ធ្នូ បានចាត់ទុកបញ្ហាសន្តិសុខជាអាទិភាពទីមួយរបស់លោក។
មនុស្សជាង២៥.០០០នាក់ត្រូវបានស្លាប់កាលពឆ្នាំទៅមិញនៅម៉ិកស៊ិក ក្នុងនោះជាង១០.០០០នាក់ ក្នងដំណាក់កាលឆ្លងកាត់តែមួយគត់ រវាងខែកក្កដានិងខែតុលា ដែលជារយៈពេល៤ខែដែលមានការសម្លាប់មនុស្សច្រើនបំផុតនៅម៉ិកស៊ិក ចាប់តាំងពីឆ្នាំ១៩៩៧មក៕
ចែករំលែកព័តមាននេះ