ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ធ ស្នងការនគរបាលខេត្តព្រះសីហនុ បានបញ្ជាក់ប្រាប់បណ្តាញសារព័ត៌មាន និងសារធារណជនដោយអះអាងថា កាលពីថ្មីៗកន្លងមកនេះ មានសារព័ត៌មានមួយចំនួនតូចបានបង្ហោះថា…
ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ធ ស្នងការនគរបាលខេត្តព្រះសីហនុ បានបញ្ជាក់ប្រាប់បណ្តាញសារព័ត៌មាន និងសារធារណជនដោយអះអាងថា កាលពីថ្មីៗកន្លងមកនេះ មានសារព័ត៌មានមួយចំនួនតូចបានបង្ហោះថា រូបភាពជនខាងក្រោមដែលមានសាក់រូបពេញខ្លួននេះ គឺជាក្រុមចិននៅប្រទេសកម្ពុជា ។
លោកបញ្ជាក់ថា ក្រុមទាំងនេះ ជាជនជាតិវៀតណាម ហើយម្ចាស់ហ្វេសប៊ុកឈ្មោះ GIA DINH VUI TINH ជារឿយៗបានបង្ហោះរូបក្រុមនេះ ធ្វើសកម្មភាពបង្អួតសាក់ដាក់បណ្តាញសង្គមហ្វេសប៊ុករបស់ពួកគាត់ ។
ជាអកុសលត្រូវសារព័ត៌មានមួយក្តាប់តូចព្យាយាមបំពុលសង្គមខ្មែរយើងអោយអាប់អួរមិនស្រាក់ស្រាន។ ដូច្នេះស្នងការដ្ឋាននគរបាលខេត្តព្រះសីហនុ សូមជូនដល់សារធាណៈមេត្តាយកចិត្តទុកដាក់ពិនិត្យឱ្យបានច្បាស់លាស់មុននឹងវាយតម្លៃ និងសូមឱ្យបងប្អូនជនរួមជាតិមេត្តាមានស្មារតីខ្ពស់ក្នុងការលើកតំកើងថែរក្សាកិត្តិយស មុខមាត់ និងសេចក្តីថ្លៃថ្នូររបស់ប្រទេសជាតិយើងទាំងមូល។
ចែករំលែកព័តមាននេះ