លោក សុខ ឥសាន បានបង្ហើបថា លោក សម រង្ស៊ី និងបក្ខពួកនឹងត្រូវឯកកោជាមិនខាន
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានបង្ហើបឲ្យដឹងថា ក្រុមលោកសម រង្ស៊ី និងលោក សម…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានបង្ហើបឲ្យដឹងថា ក្រុមលោកសម រង្ស៊ី និងលោក សម ង្ស៊ី នឹងត្រូវឯកកោនៅនៅពេលខាងមុខជាមិនខាន។
ការលើកឡើងរបស់អ្នកនាំពាក្យបន្ទាប់ពីរដ្ឋសភាបានធ្វើវិសោធនកម្មច្បាប់ស្តីពីគណបក្សនយោបាយត្រង់មាត្រា៤៥ថ្មី (ស្ទួន) ដែលបើកឲ្យអ្នកនយោបាយដែលត្រូវតុលាការកំពូលហាមឃាត់ធ្វើនយោបាយអាចសិទ្ធិធ្វើនយោយបាយវិញ តាមសំណើរបស់រដ្ឋមន្ត្រីក្រសួងមហាផ្ទៃទៅកាន់នាយករដ្ឋមន្ត្រី ហើយនាយករដ្ឋមន្ត្រីស្នើព្រះមហាក្សត្រ ។ ជាងនេះការលើកឡើងនេះបន្ទាប់ពីលោក សម រង្ស៊ី ត្រូវបានតែងតាំងលោក សម រង្ស៊ី ជាប្រធានស្តីទីគណបក្សសង្គ្រោះជាតិ ទាំងក្រុមលោក កឹម សុខា រួមលោក កឹម សុខា មិនបានគាំទ្រនោះទេ ។
លោក សុខ ឥសាន បានឲ្យដឹងតាមប្រព័ន្ធតេឡេក្រាម នៅថ្ងៃនេះយ៉ាងដូច្នេះថា ការតែងតាំងលោក សម រង្ស៊ី គឺជាការតែងតាំងមនុស្សនៅក្រៅបក្ស ។ លោកបញ្ជាក់ថា ជាការគួរឲ្យចង់អស់សំណើចណាស់ ដែលរបស់ដែលហៅថា សន្និសីទពិភពលោករបស់ខ្មោចអតីតបក្សប្រឆាំងនៅក្រៅស្រុកបានព្យាយាមលើកទណ្ឌិត សម រង្ស៊ី ដែលមិនមែនជា សមាជិកបក្សផង មកធ្វើជាប្រធានស្តីទីអតីតបក្សប្រឆាំងទៅវិញ ។ លោកបានលើកឡើងថា តើដែលមានការតែងតាំងរបៀបនេះឬទេ នៅលើលោកនេះ ។ នេះមិទាន់គិតពីអតីតបក្សប្រឆាំងត្រូវបានរំលាយដោយតុលាការកំពូលរួចហើយ តាំងពីខែវិច្ឆិកា ឆ្នាំ២០១៧មកផង ។
លោកបន្ថែមថា តើឯណាទៅលក្ខន្តិកបក្ស ? វាជារឿងចម្លែកណាស់ដែលយកមនុស្សនៅក្រៅបក្សមកធ្វើប្រធានស្តីទីបក្សនោះ ? លោក សុខ ឥសាន បានលើកឡើងទៀតថា ការតែងតាំងដោយគ្មានគោលការណ៍បែបនេះវាបង្ហាញឲ្យឃើញច្បាស់ថា គឺជារបៀបបក្សប្រហារមួយដែលទើបនឹងមាននៅក្នុងអតីតបក្សប្រឆាំងនៅកម្ពុជាដែលពួកគេតែងតែទន្ទេញចាំមាត់ថា ជាបក្សប្រជាធិបតេយ្យ ។ លោកគូសបញ្ជាក់« ប៉ុន្តែដើម្បីអំណាចក្នុងបក្សទោះរឿងអ្វីក៏ទណ្ឌិត សម រង្ស៊ី និងបក្សពួកហ៊ានធ្វើដែរដោយបិទភ្នែក និងដោយឥតអៀនខ្មាស់ ។ នេះ គឺជាលទ្ធផលនៃពាក្យស្លោករបស់ទណ្ឌិត សម រង្ស៊ី ថា សម រង្ស៊ី និងកឹម សុខា គឺតែមួយនោះ ?» ។លោកសង្កត់ធ្ងន់យ៉ាងដូច្នេះថា« ក៏ប៉ុន្តែទោះមានឧបាយកលពិសពុលយ៉ាងណាក៏នៅទីបំផុតទណ្ឌិត សម រង្ស៊ី និងបក្សពួកនឹងត្រូវឯកោជាក់ជាមិនខាន» ។
សូមជម្រាបថា ការលើកឡើងរបស់លោក សុខ ឥសាន នេះក៏ដូចៗជាបង្ហើរសារមួយថា ក្រុមលោក កឹម សុខា អាចនឹងមានសិទ្ធិធ្វើនយោបាយវិញ នៅពេលឆាប់ៗនេះ បន្ទាប់ពីសេចក្តីវិសោនកម្មច្បាប់ស្តីពីគណបក្សនយោបាយត្រូវបានរដ្ឋសភាអនុម័តរួច ។
បុគ្គលដែលបានតុលាការសម្រេចហាមឃាត់ ការធ្វើសកម្មភាពនយោបាយនេះនឹងអាចទទួលបានវិញនូវសិទ្ធិនយោបាយពេញលេញ ដោយពេញច្បាប់ បន្ទាប់ពីផុតរយៈពេលនៃការហាមឃាត់ដែលកំណត់ដោយសាលដីការបស់តុលាការកំពូល ឬក្នុងករណីដែលបុគ្គលនោះត្រូវបានផ្តល់នីតិសម្បទាឡើងវិញ ដោយព្រះមហាក្សត្រតាមដំណើរបស់នាយករដ្ឋមន្ត្រីតាមសេចក្តីស្នើសុំរបស់រដ្ឋមន្ត្រីក្រសួងមហាផ្ទៃ ។
លោក ឡេង ប៉េងឡុង អ្នកនាំពាក្យរដ្ឋសភាបានឲ្យដឹងក្នុងសន្នីសីទសារព័ត៌មាន កាលពីល្ងាចថ្ងៃទី៣ ខែធ្នូនេះ បានឲ្យដឹងថា សេចក្តីវិសោធនកម្មច្បាប់ស្តីពីគណបក្សនយោបាយមាត្រា៤៥ថ្មី ជាវិសោធនកម្មច្បាប់ដែលមានការប្រញាប់ ហើយអចិន្ត្រៃយ៍រដ្ឋសភានឹងបើកិច្ចប្រជុំពិភាក្សាក្នុងពេលឆាប់ៗនេះ ដើម្បីដាក់ចូលសម័យប្រជុំរដ្ឋសភាពេញអង្គអនុម័តផងដែរ ។ អ្នកនាំពាក្យរដ្ឋសភាបានឲ្យដឹងសេចក្តីវិសោធនកម្មច្បាប់នេះក៏មានការជាប់ពាក់ព័ន្ធនឹងការមន្ត្រីអតីតគណបក្សសង្គ្រោះជាតិដែលត្រូវបានតុលាការកំពូលហាមឃាត់មិនឲ្យធ្វើនយោបាយផងដែរ ។ លោកបញ្ជាក់ថា «អីចឹងច្បាប់នេះធ្វើវិសោធនកម្មគិតគូរដល់ដែលត្រូវបានតុលាការហាមឃាត់ធ្វើនយោបាយមិនឲ្យធ្វើសកម្មភាពនយោបាយរបស់តុលាការកំពូល ។
យើងគិតគូរយ៉ាងម៉េច គឺថាធ្វើឲ្យច្បាប់ពាក់ព័ន្ធនឹងអាឡូវយើងធ្វើហើយ ។ អ្នកដែលច្បាប់ហាមឃាត់ គឺអាចទទួលបាននីតិសម្បទា អាចទទួលបានសិទ្ធិធ្វើនយោបាយវិញ បន្ទាប់ពីមានសំណើរពីនាយករដ្ឋមន្ត្រីស្នើព្រះមហាក្សត្រតាមដំណើររបស់រដ្ឋមន្ត្រីក្រសួងមហាផ្ទៃ» ។ លោកបន្ថែមថា វិសោធនកម្មច្បាប់នេះក៏ដោយសារតែពេលកន្លងមកច្បាប់មិនបានគិតគូរដល់អ្នកដែលត្រូវតុលាការហាមឃាត់នោះទេ ប៉ុន្តែពេលនេះការធ្វើវិសោធនកម្មច្បាប់នេះ គឺបានគិតគូដល់អ្នកត្រូវតុលាការកំពូលហាមឃាត់ផងដែរ ៕
ចែករំលែកព័តមាននេះ