ប្តីប្រពន្ធទៅផ្សារដើមគ លុះត្រឡប់មកផ្ទះវិញខ្ទេចអស់ជាង២ពាន់ដុល្លារ
- ភ្នំពេញ
រាជធានីភ្នំពេញ ៖ ប្តីប្រពន្ធ២នាក់រវល់តែជិះម៉ូតូយកអីវ៉ាន់ទៅលក់នៅផ្សារដើមគរមិនបានប្រយ័ត្នក៏ត្រូវជនសង្ស័យ៣នាក់ជិះម៉ូតូមួយគ្រឿងម៉ាកវ៉េវធ្វើសកម្មភាពគាស់ទ្វាផ្ទះបានសម្រេចយកអស់លុយជាង២០០០ដុល្លារ ត្រូវបានកម្លាំងអន្តរាគមន៍ខណ្ឌជ្រោយចង្វារក្របួចជាប់ ហេតុការណ៍នេះបានកើតឡើងកាលពីវេលាម៉ោង១២អាធ្រាត្រថ្ងៃទី៣ ខែធ្នូ ឆ្នាំ២០១៨ តាមបណ្តោយផ្លូវជាតិលេខ៦នៅចំណុចផ្ទះជួលគ្មានលេខ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ…
ជនសង្ស័យដែលឃាត់ខ្លួនមានឈ្មោះអាចយ ភេទប្រុស អាយុ១៨ឆ្នាំ ស្នាក់នៅនិងមុខរបរមិនពិតប្រាកដ។
តាមប្រភពព័ត៌មានពីប្តីប្រពន្ធ២នាក់សុំមិនបញ្ចេញឈ្មោះបានអោយដឹងថា មុនពេលកើតហេតុ គាត់២នាក់ប្រកបមុខរបរជាអ្នកលក់ចាប់ហួយ និងលក់គ្រឿងម្ជូរ នៅវេលាកើតហេតុគាត់២នាក់ប្តីប្រពន្ធបានជិះម៉ូតូឌុបគ្នាទៅផ្សារដើមគរដើម្បីទិញអីវ៉ាន់លក់ លុះពេលមកដល់ផ្ទះវិញគាត់ក៏ឆ្ងល់ថា «ហេតុអីផ្ទះរបស់គាត់ទ្វាររបើកម្ខាងអញ្ចឹង» ។
ភ្លាមៗនោះដែលគាត់ក៏ទាញទ្វារបិទរួចចាក់សោពីក្រៅ ហើយទៅរាយការណ៍ប្រាប់កម្លាំងអន្តរាគមន៍ដែលកំពុងតែល្បាតអោយចុះមកអន្តរាគមន៍ភ្លាមៗ និងឃាត់ខ្លួនជនសង្ស័យបានម្នាក់ដែលកំពុងតែធ្វើសកម្មភាពនៅក្នុងផ្ទះ ចំណែកជនសង្ស័យ២នាក់ទៀតបានរត់គេចខ្លួនបាត់ស្រមោល ។ សមត្ថកិច្ចក៏បានដកហូតបានវត្ថុតាងម៉ូតូមួយគ្រឿងម៉ាកហុងដាវ៉េវ ពណ៌ខ្មៅ ពាក់ស្លាកលេខ កំពង់ធំ ១F-២៦៥៨ ។
បើតាមចម្លើយសារភាពរបស់ជនសង្ស័យបាននិយាយថាខ្លួនមិនបានធ្វើសកម្មភាពលួចអ្វីនោះទេ គ្រាន់តែឃ្លានបាយ ឃើញបុរស២នាក់ទៀតដើរចេញមកពីក្នុងផ្ទះនោះទើបខ្លួនក៏ចូលទៅដើម្បីរកបាយហូបតែប៉ុណ្ណោះ ។
បើតាមសំដីរៀបរាប់របស់ជនរងគ្រោះវិញបាននិយាយថា ទ្រព្យសម្បត្តិដែលបាត់នៅក្នុងផ្ទះ ក្នុងនោះបាត់លុយអស់ជាង២០០០ដុល្លារ ។
ចែករំលែកព័តមាននេះ