ខេត្តឧត្តរមានជ័យ ៖ បុរស៣នាក់ត្រូវបានកម្លាំងនាយកដ្ឋាននគរបាលព្រហ្មទណ្ឌ នៃស្នងការដ្ឋាន នគរបាលខេត្ត សហការណ៍កម្លាំងអធិការនគរបាល ស្រុកអន្លង់វែង ចុះអនុវត្តដីកាបង្គាប់ឲ្យនាំខ្លួន បុរស៣នាក់ នៅចំណុចផ្ទះសំណាក់ដែលមាន(យីហោ…
ខេត្តឧត្តរមានជ័យ ៖ បុរស៣នាក់ត្រូវបានកម្លាំងនាយកដ្ឋាននគរបាលព្រហ្មទណ្ឌ នៃស្នងការដ្ឋាន នគរបាលខេត្ត សហការណ៍កម្លាំងអធិការនគរបាល ស្រុកអន្លង់វែង ចុះអនុវត្តដីកាបង្គាប់ឲ្យនាំខ្លួន បុរស៣នាក់ នៅចំណុចផ្ទះសំណាក់ដែលមាន(យីហោ បឹងតាម៉ុក) កាលពីវេលាម៉ោង៧ និង៣០នាទីព្រឹក ថ្ងៃទី១ ធ្នូ ២០១៨ ស្ថិតនៅក្នុងភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ ជនសង្ស័យដែលនគរបាលចុះអនុវត្តដីកាបង្គាប់ឲ្យនាំខ្លួនទាំង៣នាក់។
ទី១-ឈ្មោះ សួស សិរីរ័ត្ន ហៅពៅ ភេទប្រុស អាយុ៥០ឆ្នាំ រស់នៅភូមិវិហារខ្ពស់ ឃុំវាំងចាស់ ស្រុកឧដុង្គ ខេត្តកំពង់ស្ពឺ ទី២-ឈ្មោះ កែវ ម៉ៅ ហៅម៉ៅ ភេទប្រុស អាយុ៥០ឆ្នាំ រស់នៅភូមិវត្តកណ្តាល ឃុំរង្សី ស្រុកសង្កែ ខេត្តបាត់ដំបង និង៣-ឈ្មោះ ជុំ ស្រស់ ហៅស្រស់ ភេទប្រុស អាយុ៥២ឆ្នាំ រស់នៅភូមិឡចាន ឃុំបែកចាន ស្រុកអង្គស្នួល ខេត្តកណ្តាល។ ដោយជាបពាក់ព័ន្ធពីបទគំរាមសម្លាប់ និងករណីឆបោកពីជនរងគ្រោះ ជាដើមបណ្តឹង ឈ្មោះ អ៊ុន ពីឌិច ភេទប្រុស អាយុ៥៤ឆ្នាំ បច្ចុប្បន្នស្នាក់នៅផ្ទះលេខ២០E១ ផ្លូវលេខ២១៥ ភូមិ១០ សង្កាត់មិត្តភាព ខណ្ឌ៧មករា រាជធានីភ្នំពេញ។
លោកឧត្តមសេនីយ៍ត្រី ឡឹក សុខា ស្នងការងបានឲ្យដឹងថា មុនពេលធ្វើការឃាត់ខ្លួនជនសង្ស័យទាំង៣រូបនេះ យោងទៅលើដីកាបង្គាប់ ឲ្យនាំខ្លួនដែលជាប់ពាក់ព័ន្ធទៅនឹងករណីគំរាមសម្លាប់មនុស្ស និងពីបទឆបោកកាលពីអំឡុង ឆ្នាំ២០១៥ កន្លងទៅ។ លោកបានបញ្ជាក់ថា ជនសង្ស័យដែលបានឃាត់ខ្លួននោះ សមត្ថកិច្ចបានកសាងសំណុំរឿង បញ្ជូនខ្លួនដើម្បីចាត់ការទៅតាមនីតិវិធីច្បាប់៕
ចែករំលែកព័តមាននេះ