ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនខេត្ត បានចូលរួមសហការ ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម និងសង្កាត់ស្វាយដង្គំ ចំណុះអធិការដ្ឋាន ក្រុងសៀមរាប បានចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀន ឈានដល់ធ្វើការឃាត់ខ្លួនបានក្រុមញៀនថ្នាំប្រុសស្រីចំនួន៨នាក់ រួចនាំយកមកសួរនៅការិយាល័យ ជំនាញ ដើម្បីរៀបចំកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់។
ហេតុការឃាត់ខ្លួន ក្រុមញៀនថ្នាំ ប្រុសស្រី ទាំង៨នាក់នោះធ្វើឡើង នាថ្ងៃទី២៨ ខែវិច្ឆិកា ឆ្នាំ២០១៨ ស្ថិតនៅចំណុច បន្ទប់ជួល ក្នុងភូមិបឹងដូនប៉ា សង្កាត់ស្លក្រាម និងភូមិស្វាយដង្គំ សង្កាត់ស្វាយដង្គំ ក្រុង/ខេត្តសៀមរាប។ តាមប្រភពពីកម្លាំងនគរបាលជំនាញបានប្រាប់ថា ដោយមានការសហការគ្នាបានល្អ ទើបកម្លាំងការិយាល័យ នគរបាលប្រឆាំងគ្រឿងញៀនខេត្ត ឈានដល់ធ្វើការឃាត់ខ្លួនបានក្រុមញៀនថ្នាំ ប្រុសស្រី ចំនួន៨នាក់ ជាបន្តបន្ទាប់ នៅតាមបន្ទប់ជួល ក្នុងសង្កាត់ចំនួន២ផងដែរ។
ប្រភពបានបញ្ជាក់ថា ជនសង្ស័យប្រុសស្រីទាំង០៨នាក់ ដែលសមត្ថកិច្ចយើងឃាត់ខ្លួនបាននោះមាន៖ ទី១/ឈ្មោះ ម៉ៅ ម៉ុន ភេទស្រី ឆ្នាំកំណើត១៩៩៦ មុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុង/ខេត្តសៀមរាប (រក្សាទុក និងជួញដូរ) (គ្មានសារធាតុញៀនក្នុងខ្លួន)។ ទី២/ឈ្មោះ សន សីហា ភេទប្រុស ឆ្នាំកំណើត២០០០ មុខរបរគ្មាន ទីលំនៅ ភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប (ជួញដូរ និងប្រើប្រាស់) (មានសារធាតុញៀនក្នុងខ្លួន)។
ទី៣/ឈ្មោះ អ៊ី សាណា ហៅតូ ភេទប្រុស ឆ្នាំកំណើត១៩៩០ មុខរបរគ្មាន ទីលំនៅភូមិវាលសង្កាត់គោកចក ក្រុង/ខេត្តសៀមរាប (រក្សាទុក និងប្រើប្រាស់) (មានសារធាតុញៀនក្នុងខ្លួន)។ ទី៤/ឈ្មោះ នៀង តាំងគា ភេទប្រុស ឆ្នាំកំណើត១៩៩៤ មុខរបរកម្មករសំណង់ មានទីលំនៅភូមិបន្ទាយចាស់ សង្កាត់ស្លក្រាម ក្រុង/ខេត្តសៀមរាប (សម្រួល និងប្រើប្រាស់) (មានសារធាតុញៀនក្នុងខ្លួន)។ ទី៥/ឈ្មោះ កួន ល័ក្ខ ភេទប្រុស ឆ្នាំកំណើត១៩៨២ មុខរបរកម្មករ មានទីលំនៅភូមិព្រៃថ្មី សង្កាត់ទឹកវិល ក្រុង/ខេត្តសៀមរាប (ចាត់ចែង និងប្រើប្រាស់) (មានសារធាតុញៀនក្នុងខ្លួន)។
ទី៦/ឈ្មោះ ស៊ុល រ៉កៃ ភេទប្រុស ឆ្នាំកំណើត២០០១ មុខរបរគ្មាន ទីលំនៅភូមិវិហារចាម សង្កាត់ស្វាយដង្គំ ក្រុង/ខេត្តសៀមរាប (ប្រើប្រាស់) (មានសារធាតុក្នុងខ្លួន)។ ទី៧/ឈ្មោះ ឌុក វិបុល ហៅវែង ភេទប្រុស ឆ្នាំកំណើត១៩៩៧ មុខរបរគ្មាន ទីលំនៅភូមិគ្រួស សង្កាត់ស្វាយដង្គំ ក្រុង/សៀមរាប (ចាត់ចែង និងប្រើប្រាស់) (មានសារធាតុញៀនក្នុងខ្លួន) និងទី៨/ឈ្មោះ ថេន ស្រីម៉ៅ ហៅ ថេន ចរិយា ភេទស្រី ឆ្នាំកំណើត១៩៨៧ រស់នៅភូមិទក្សិណត្បូង សង្កាត់គោកចក ក្រុង/ខេត្តសៀមរាប (ប្រើប្រាស់) (មានសារធាតុញៀនក្នុងខ្លួន)។
ក្រោយកម្លាំងជំនាញឃាត់ខ្លួនបាន ជនសង្ស័យខាងលើ ក្នុងនោះបានដកហូតវត្ថុតាងរួមមាន៖ ម្សៅមេតំហ្វេតាមីន ប្រភេទទឹកកក ចំនួន០៦កញ្ចប់ ស្មើនឹងទម្ងន់៣,៤ក្រាម(ទម្ងន់សុទ្ធ) សម្ភារវេចខ្ចប់គ្រឿងញៀនមួយចំនួន និងទូរស័ព្ទដៃចំនួន០៥គ្រឿង។ បច្ចុប្បន្នជនសង្ស័យ ប្រុសស្រី ទាំង៨នាក់ និងវត្ថុតាង ត្រូវបានកម្លាំងជំនាញ រៀបចំកសាងសំណុំរឿងបញ្ចូនខ្លួនទៅសាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕ ដោយ ច័ន្ទ រស្មី
ចែករំលែកព័តមាននេះ