ដឹកឈើយ៉ាងកក្រើកទៀតហើយតាមច្រកអូរយ៉ាដាវ…អ្នកចាប់បិទភ្នែកអស់
- រតនគិរី
រតនគិរី ៖ រយៈពេល២-៣ថ្ងៃនេះគេសង្កេតឃើញការដឹកជញ្ជូនឈើតាមមធ្យោបាយរថយន្តឡង់គ្រីស្ស័រ, រថយន្តហាយប្រិដ, រថយន្តឡង់គ្រីស្ស័រកាត់ទ្រុង និងរថយន្តសាំយ៉ុងជាច្រើនគ្រឿងកក្រើកផ្លូវជាតិលេខ៧៨តាមច្រកទ្វារអន្តរជាតិអូរយ៉ាដាវឆ្ពោះទៅវៀតណាមតែសមត្ថកិច្ចជំនាញ និងសមត្ថកិច្ចពាក់ព័ន្ធមិនបង្ក្រាបនោះទេ ព្រោះជាឆ្នាំងបាយ ។ បើតាមសមត្ថកិច្ចតូចតាចម្នាក់(សូមមិនបញ្ចេញឈ្មោះ)ប្រចាំការផ្លូវជាតិលេខ៧៨ប្រាប់ឲ្យដឹងថាការដឹកជញ្ជូនឈើទៅរវៀតណាមដោយរលូននេះគឺម្ចាស់ឈើមានខ្មែរ…
បើតាមសមត្ថកិច្ចតូចតាចម្នាក់(សូមមិនបញ្ចេញឈ្មោះ)ប្រចាំការផ្លូវជាតិលេខ៧៨ប្រាប់ឲ្យដឹងថាការដឹកជញ្ជូនឈើទៅរវៀតណាមដោយរលូននេះគឺម្ចាស់ឈើមានខ្មែរ និងវៀតណាមរៀបចំរត់ការពីថ្នាក់ក្រោមរហូតដល់មេៗថ្នាក់ខេត្តថ្នាក់ជាតិដែលដាក់កូនចៅចងអង្រឹងចាំរាប់ក្បាលឡានតាមដងផ្លូវជាតិលេខ៧៨ឱ្យបិទភ្នែកអស់ ។
ជាក់ស្តែងនៅវេលាម៉ោង១០និង៣០នាទីព្រឹក ថ្ងៃទី២ ខែធ្នូ ឆ្នាំ២០១៨ កម្លាំងគយខេត្តមួយក្រុមប្រចាំការនៅស្រុកអូរយ៉ាដាវមធ្យោបាយរថយន្តហាយឡែនឌ័រ១គ្រឿងស្លាកលេខ ភ្នំពេញ ២AE-៥២៨២ ស្ទាក់ចាប់រថយន្តដឹកឈើ២គ្រឿងលើកំណាត់ផ្លូវជាតិលេខ៧៨ត្រង់ចំណុចភូមិសោមកានិញ ឃុំសោមធំ ស្រុកអូរយ៉ាដាវ ឃើញផ្ទុកឈើប្រណិតពេញរថយន្ត ក៏ប៉ុន្តែចាប់បានតែកន្លះម៉ោងបានដោះលែងឲ្យបន្តដំណើរឆ្ពោះទៅវៀតណាមតាមច្រកទ្វារអន្តរជាតិអូរយ៉ាដាវដោយមិនដឹងមូលហេតុយ៉ាងរលូន និងពេញទៅដោយសុវត្ថិភាព ។ ព័ត៌មានពិស្តារនឹងមានផ្សាយជូននៅលើកាសែត កោះសន្តិភាព ៕
ចែករំលែកព័តមាននេះ