ប្រទេសអាហ្វហ្គានីស្ថាន ៖ អភិបាលខេត្តហែលម៉ង់ភាគខាងត្បូងអាហ្វហ្គានីស្ថាន លោកយ៉ាស៊ីនខាន់ថ្លែងកាលពីថ្ងៃទី២ធ្នូថា ប្រមុខយោធាសំខាន់មួយរូបរបស់ពួកតាលីបង់ បានត្រូវស្លាប់ក្នុងការវាយប្រហារតាមអាកាសរួមគ្នាមួយ របស់កងកម្លាំងសន្តិសុខអាហ្វហ្គានីស្ថាននិងកងកម្លាំងពិសេសអាមេរិក នៅខេត្តហែលម៉ង់ភាគខាងត្បូងប្រទេស។ អភិបាលខេត្តរូបនេះបន្តថា លោកអាប់ឌុលម៉ាណានមេបញ្ជាការពួកតាលីបង់ក្នុងខេត្តរបស់លោក…
ប្រទេសអាហ្វហ្គានីស្ថាន ៖ អភិបាលខេត្តហែលម៉ង់ភាគខាងត្បូងអាហ្វហ្គានីស្ថាន លោកយ៉ាស៊ីនខាន់ថ្លែងកាលពីថ្ងៃទី២ធ្នូថា ប្រមុខយោធាសំខាន់មួយរូបរបស់ពួកតាលីបង់ បានត្រូវស្លាប់ក្នុងការវាយប្រហារតាមអាកាសរួមគ្នាមួយ របស់កងកម្លាំងសន្តិសុខអាហ្វហ្គានីស្ថាននិងកងកម្លាំងពិសេសអាមេរិក នៅខេត្តហែលម៉ង់ភាគខាងត្បូងប្រទេស។
អភិបាលខេត្តរូបនេះបន្តថា លោកអាប់ឌុលម៉ាណានមេបញ្ជាការពួកតាលីបង់ក្នុងខេត្តរបស់លោក ត្រូវបានសម្លាប់រួមជាមួយសមាជិកតាលីបង់២៩នាក់ទៀត នាឱកាសនៃកិច្ចប្រជុំមួយរបស់បណ្ដាប្រមុខមូលដ្ឋាននិងបណ្ដាយុទ្ធជនរបស់ពួកបះបោរ ក្នុងស្រុកNAWZADកាលពីថ្ងៃទី១ធ្នូ។
ការស្លាប់របស់លោកអាប់ឌុលម៉ាណានត្រូវបានអះអាង ដោយអ្នកនាំពាក្យពួកតាលីបង់លោក ZABIULLLAH MUJAHIDនិងដោយកងទ័ពអាមេរិក។ អ្នកនាំពាក្យកងទ័ពអាមេរិកនៅអាហ្វហ្គានីស្ថាននិយាយថា ពួកតាលីបង់នឹងមានបញ្ហា ក្នុងការបង្កើនការប្រយុទ្ធរបស់ពួកគេ ពេលយុទ្ធជនពួកគេនិងបណ្ដាប្រមុខពួកគេស្ថិតក្រោមការវាយលុកជាប់។ ការចរចាសន្តិភាពគឺជាដំណោះស្រាយតែមួយគត់។
អ្នកទទួលខុសត្រូវម្នាក់របស់ភ្នាក់ងារសន្តិសុខអាហ្វហ្គានីស្ថានថ្លែងនៅក្រុងកាប៊ុលថា លោកអាប់ឌុលម៉ាណាន ជាប្រមុខយោធាដ៏សំខាន់បំផុតមួយរូបរបស់ពួកតាលីបង់នៅភាគខាងត្បូងប្រទេស ហើយការស្លាប់របស់គេនឹងនាំឲ្យមានផលវិបាកនានាលើសន្តិសុខ៕
ចែករំលែកព័តមាននេះ