រាជធានីភ្នំពេញ ៖ ជនសង្ស័យ២នាក់ត្រូវបានកម្លាំងនគរបាលខណ្ឌឬស្សីកែវសហការជាមួយនគរបាលប៉ុស្តិ៍រដ្ឋបាលគីឡូម៉ែត្រលេខ៦ ឃាត់ខ្លួន ដោយដកហូតបានថ្នាំចំនួន១៣កញ្ចប់តូចធំ។
ការបង្ក្រាបគ្រឿងញៀននេះកាលពីវេលាម៉ោង៩និង៣០នាទីព្រឹកថ្ងៃទី៣ ខែធ្នូ ឆ្នាំ២០១៨ ត្រង់ចំណុចផ្ទះលេខ២១៧៩ ក្រុម៧ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ។
តាមសមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនទាំង២នាក់ខាងលើម្នាក់ឈ្មោះយ៉ុង ស៊ីបូរ៉ា ហៅបូរ៉ា ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះជួលកើតហេតុខាងលើ និងម្នាក់ទៀតឈ្មោះរ៉ូយ៉ាំង ហាំង ហៅរ៉ូ ភេទប្រុស អាយុ២៣ឆ្នាំ ជាជនជាតិវៀតណាម ស្នាក់នៅផ្ទះគ្មានលេខ ក្រុម៩ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ។
តាមនគរបាលបានអោយដឹងថា ដោយមានការស្រាវជ្រាវ សមត្ថកិច្ចបានកំណត់មុខសញ្ញាជនសង្ស័យហើយឈានទៅឆែកឆេរ និងឃាត់ខ្លួនជនសង្ស័យជាក់ស្តែង ពេលដែលធ្វើសកម្មភាពចែកចាយគ្រឿងញៀន។
បន្ទាប់ពីឃាត់ខ្លួន សមត្ថកិច្ចដកហូតបានម្សៅក្រាមពណ៌សថ្លាចំនួន១៣កញ្ចប់ជាគ្រឿងញៀនប្រភេទម៉ាកទឹកកក ព្រមទាំងឧបករណ៍ប្រើប្រាស់និ ងថង់សម្រាប់ច្រកមួយចំនួន។ ជនសង្ស័យត្រូវបានសមត្ថកិច្ចបញ្ជូនទៅកាន់អធិការដ្ឋានខណ្ឌឫស្សីកែវដើម្បីកសាងសំណុំរឿងបញ្ជូនទៅកាន់សាលាដំបូងចាត់ការតាមច្បាប់៕
ចែករំលែកព័តមាននេះ