ស្លា.ប់មិនខាន ! សារធាតុបូរ៉ាក់លើត្រីងៀតជិត១០០គីឡូក្រាម
- ស្វាយរៀង
ខេត្តស្វាយរៀង ៖ មន្ត្រីកាំកុងត្រូលរកឃើញសារធាតុប៉ូរាក់នៅលើងៀតត្រីជិត១០០គីឡូក្រាមនៅផ្សារវាលយន្តគួរឲ្យព្រួយបារម្មណ៍ ខណៈមន្ត្រីកាំកុងត្រូលខេត្តស្វាយរៀងចុះពិនិត្យមុខទំនិញគ្រប់ប្រភេទ និងរកសារធាតុគីមីដែលច្បាប់ហាមឃាត់បានរកឃើញសារធាតុបូរ៉ាក់ ដែលអ្នកផលិតដាក់លើងៀត ត្រីបបែលផ្អែមស្រស់ចំនួន២១គីឡូក្រាម និងងៀតត្រីផ្ទោងចំនួន៧០គីឡូ ដែលធ្វើឲ្យប៉ះពាល់ដល់សុខភាពអ្នកបរិភោគហើយបានដកហូតយកទៅដុតកម្ទេចចោល ។…
បើតាមលោក ផឹង និល ប្រធានសាខាកាំត្រូលខេត្តស្វាយរៀងបានឲ្យដឹងថា នៅព្រឹកថ្ងៃទី៣ ខែធ្នូ ឆ្នាំ២០១៨ នេះមន្ត្រីជំនាញបានចុះពិនិត្យទំនិញគ្រប់ប្រភេទនៅផ្សារវាលយន្តក្រុងស្វាយរៀងដើម្បីស្វែងរកសារធាតុគីមីដាក់ក្នុងមុខទំនិញក្នុងនោះបានរកឃើញសារធាតុគីមី(ប៉ូរាក់)ដាក់ក្នុងងៀតត្រីបបែលចំនួន២១គីឡូក្រាម និងងៀតត្រីផ្ទោង៧០គីឡូក្រាម ។
លោកបានបន្តទៀតថា អ្នកដែលបរិភោគចំណីអាហាដែលមានសារធាតុគីមីបូរ៉ាក់នេះគឺធ្វើឲ្យប៉ះពាល់ដល់សុខភាពយ៉ាងខ្លាំងដូចជា ខូចក្រពះពោះវៀន ក្រលៀននិងអាចបង្កទៅជាមហារីកធ្វើឲ្យបែកឈាមតាមរោមយ៉ាងធ្ងន់ធ្ងរទៀតផង ។
លោកបានបញ្ជាក់ថា ការចុះពិនិត្យទំនិញនេះមន្ត្រីជំនាញបានពិនិត្យមុខទំនិញជាច្រើនមុខ ដោយបានផ្តោតសំខាន់ទៅលើបន្លែផ្លែឈើ ត្រីសាច់ គ្រឿងឧបភោគបរិភោគប្រចាំថ្ងៃហើយបានណែនាំដល់អ្នកលក់ ត្រូវបញ្ឈប់ដាក់លក់ជាបន្ទាន់រាល់ប្រភេទងៀតបបែលដែលផ្ទុកសារធាតុគីមី និងងៀតត្រីផ្ទោងដែលខូចគុណភាពបែបនេះ ៕
ចែករំលែកព័តមាននេះ