រាជធានីភ្នំពេញ ៖ បុរសម្នាក់បានជិះម៉ូតូក្នុងល្បឿនលឿន ព្រមទាំងខ្វះការប្រុងប្រយត្ន័បានជ្រុលទៅទាក់ដៃចង្កូតជាមួយនិងបង្កាន់ដៃស្ពានអាកាសស្ទឹងមានជ័យ បណ្តាលអោយដួលរងរបួសរយះក្បាលផ្នែកខាងមុខសន្លប់ស្តូកនៅលើម៉ូតូតែម្តង ។ ហេតុការណ៍នេះដែរបានកើតឡើងនៅវេលាម៉ោង១២អាធ្រាត្រថ្ងៃទី២ ខែធ្នូ ឆ្នាំ២០១៨ នៅលើស្ពានអាកាសស្ទឹងមានជ័យ សង្កាត់ស្ទឹងមានជ័យ១ ខណ្ឌមានជ័យ ។
ជនរងគ្រោះមិនទាន់អោយស្គាល់អត្តសញ្ញាណនៅឡើយទេ គ្រាន់តែដឹងថា ជិះម៉ូតូមួយគ្រឿងម៉ាកហុងឌ្រីម ស៊េរីឆ្នាំ២០០៨ ពណ៌ខ្មៅ ពាក់ស្លាកលេខ ភ្នំពេញ ១AH-៧០០២ ។
តាមប្រភព័ត៌មានពីកន្លែងកើតហេតុបានអោយដឹងថា គេបានឃើញបុរសរងគ្រោះខាងលើ មិនដឹងថាគោលបំណងទៅណានោះទេ គឺបានជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០០៨ ពណ៌ខ្មៅ ធ្វើដំណើរតាមផ្លូវ២៧១ ក្នុងទិសដៅពីត្បូងទៅជើង ឆ្លងកាត់ស្ពានអាកាសស្ទឹងមានជ័យ ក្នុងល្បឿនលឿន ។
លុះមកដល់ចំណុចកើតហេតុ ដោយសារតែបើកបរម៉ូតូលឿនហើយខ្វះការប្រុងប្រយត្ន័ ទើបធ្វើអោយម៉ូតូជ្រុលទៅកៀរ និងទាក់ដៃចង្កូតគ្នាជាមួយនឹងបង្កាន់ដៃស្ពានអាកាស បណ្ដាលអោយអ្នកបើកបរម៉ូតូដួលដេកគងនៅលើម៉ូតូ រយះក្បាលផ្នែកខាងមុខដល់លលាដ៍ក្បាលសន្លប់ស្តូកតែម្តង ។ ភ្លាមៗនោះ ជនរងគ្រោះត្រូវបានរថយន្តសង្គ្រោះដឹកយកទៅធ្វើការព្យាបាលនៅមន្ទីរពេទ្យកាល់ម៉ែត ។
ក្រោយពេលកើតហេតុ នៅសល់តែម៉ូតូរបស់ជនរងគ្រោះដែលរងការខូចខាតបន្តិចបន្តួច ត្រូវបានសមត្ថកិច្ចបានយកទៅរក្សាទុកនៅប៉ុស្តិ៍នគបាលស្ទឹងមានជ័យ១ រង់ចាំប្រគល់អោយម្ចាស់វិញ ៕
ចែករំលែកព័តមាននេះ