ខេត្តប៉ៃលិន ៖ មានករណីគ្រោះថ្នាក់ចរាចរណ៍បានកើតឡើងរវាងរថយន្តម៉ាកហ៊ីយ៉ាន់ដាយបុកគ្នាជាមួយ នឹងរថយន្តម៉ាកអុីស៊ុយហ្សុ៊យ ក្នុងទិសដៅបញ្ច្រាសគ្នា នៅតាមដងផ្លូវលំដីហុយមួយកន្លែង បណ្តាលឱ្យរងរបួសធ្ងន់ម្នាក់ និងស្រាលម្នាក់ ។ ហេតុការណ៍នេះ…
ខេត្តប៉ៃលិន ៖ មានករណីគ្រោះថ្នាក់ចរាចរណ៍បានកើតឡើងរវាងរថយន្តម៉ាកហ៊ីយ៉ាន់ដាយបុកគ្នាជាមួយ
នឹងរថយន្តម៉ាកអុីស៊ុយហ្សុ៊យ ក្នុងទិសដៅបញ្ច្រាសគ្នា នៅតាមដងផ្លូវលំដីហុយមួយកន្លែង បណ្តាលឱ្យរងរបួសធ្ងន់ម្នាក់ និងស្រាលម្នាក់ ។
ហេតុការណ៍នេះ បានកើតឡើងកាលពីរវេលាម៉ោង៩និង៣០នាទីយប់ថ្ងៃទី១ ខែធ្នូ ឆ្នាំ២០១៨ ស្ថិតនៅចំណុចផ្លូវកែង ក្នុងភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា មានរថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ខេត្តកំពង់ចាម ៣A-៣១៥៨ បើកបរដោយឈ្មោះ ជាតិ តូក ភេទប្រុស អាយុ៥៦ឆ្នាំ រស់នៅភូមិព្រៃគង់ ឃុំបុស្បូវ ស្រុកព្រះនេតព្រះ ខេត្តបន្ទាយមានជ័យ ។
ភាគីរថយន្តមួយគ្រឿងទៀតម៉ាកអុីស៊ុយហ្សុ៊យ ពណ៌សំបកឪឡឹក ពាក់ស្លាកលេខ ច៩៧៣៦ ភព២ បើកបរដោយឈ្មោះ ផាន់ ផល្លា ភេទប្រុស អាយុ២៨ឆ្នាំ រស់នៅភូមិដំរីក្រោម ឃុំសឿ ស្រុកមង្គលបូរី ខេត្តបន្ទាយមានជ័យ បានរងរបួសស្រាល និងអ្នករួមដំណើរម្នាក់ឈ្មោះ សួស សូមលោក្រីវៀង ភេទស្រី អាយុ២៥ឆ្នាំ រស់នៅភូមិឃុំជាមួយគ្នា បានរងរបួសធ្ងន់ ។
ប្រភពព័ត៌មានបានបន្តឱ្យដឹងថា មានរថយន្តមួយគ្រឿងម៉ាកហ៊ីយ៉ាន់ដាយ បើកបរក្នុងទិសដៅពីកើតទៅលិច លុះមកដល់ចំណុចកើតហេតុ ដោយសារដីផ្លូវលំហុយខ្លាំង មើលមិនឃើញច្បាស់ ក៏ជ្រុលចង្កូតទៅបុករថយន្ត១គ្រឿងទៀតម៉ាកអ៊ីស៊ុយហ្ស៊ុយយ៉ាងពេញទំហឹងតែម្តង បណ្តាលឱ្យភាគីខាងរថយន្តម៉ាកអ៊ីហ្ស៊ុយរងរបួសធ្ងន់ម្នាក់ និងស្រាលម្នាក់។
ក្រោយពេលកើតហេតុ ជនរងគ្រោះត្រូវបានគេបញ្ជូនទៅសម្រាកព្យាបាលនៅមន្ទីពេទ្របង្អែកខេត្តប៉ៃលិន រីឯម៉ូតូទាំង២គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកសាលាក្រៅ រង់ចាំធ្វើការដោះស្រាយតាមផ្លូវច្បាប់ ៕
ចែករំលែកព័តមាននេះ