ខេត្តកំពង់ស្ពឺ ៖ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានសហការជាមួយក្រុមអន្តរាគមន៍ ចុះបង្ក្រាបសត្វព្រៃចល័ត នៃបញ្ជាការដ្ឋានកងរាជអាវុធហត្ថលើផ្ទៃប្រទេស និងខណ្ឌរដ្ឋបាលព្រៃឈើ ខេត្តកំពង់ស្ពឺ រួមទាំងប៉ុស្តិ៍រដ្ឋបាលឃុំអូរ ក្រោមការសម្របសម្រួលដោយ…
ខេត្តកំពង់ស្ពឺ ៖ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានសហការជាមួយក្រុមអន្តរាគមន៍ ចុះបង្ក្រាបសត្វព្រៃចល័ត នៃបញ្ជាការដ្ឋានកងរាជអាវុធហត្ថលើផ្ទៃប្រទេស និងខណ្ឌរដ្ឋបាលព្រៃឈើ ខេត្តកំពង់ស្ពឺ រួមទាំងប៉ុស្តិ៍រដ្ឋបាលឃុំអូរ ក្រោមការសម្របសម្រួលដោយ លោកស្រី ចាត សូរស្មី ព្រះរាជអាជ្ញានៃអយ្យការអមសាលាដំបូងខេត្ត បានឆ្មក់ចូលឆែកឆេរ និង រុករកវត្ថុតាងតាមដីកា អនុញ្ញាតឲ្យឆែកឆេរលេខ១១៤៨០(ក) ចុះថ្ងៃទី៣០ វិច្ឆិកា ២០១៨ តាមបណ្តោយផ្លូវជាតិលេខ៤។
ក្នុងនោះកម្លាំងគណៈកម្មការចម្រុះ បានឆ្មក់ចូលផ្ទះឈ្មោះ ប្រាក់ សុភាស់ ភេទប្រុស អាយុ៣៣ឆ្នាំ រស់ភូមិចេក ឃុំអូរ ស្រុកភ្នំស្រួច ខេត្តកំពង់ស្ពឺ រកឃើញការលាក់ទុកសត្វស្រុក និងសត្វព្រៃ ដោយខុសច្បាប់រួមមានដូចជា អណ្តើករស់២ក្បាល ទម្ងន់១៧គីឡូក្រាម កន្ធាយអាស៊ីរស់១៥ក្បាល ទម្ងន់២៦,៨០គីឡូក្រាម ពស់ថ្លាន់រស់១ក្បាល ទម្ងន់១០,៥០ គីឡូក្រាម អណ្តើកភ្នំរស់១ក្បាល ទម្ងន់ ០,៨០ គីឡូក្រាម អណ្តើកសោមញីរស់៣ក្បាល ទម្ងន់១,២០ គីឡូក្រាម សាច់ជ្រូកព្រៃ១៦គីឡូក្រាម សាច់ឈ្លូស ៦,៥០គីឡូក្រាម សំពោចក្រអូបងាប់ច៤ក្បាល ទម្ងន់ ៨,៥០គីឡូក្រាម និងក្រចកខ្លាឃ្មុំតូច ក្រៀម១៤គូ។
ក្រោយពេលឆេកឆេររកឃើញវត្ថុតាងទាំងអស់នោះ គណៈកម្មការ បានប្រគល់មន្ត្រីរដ្ឋបាល ព្រៃឈើជាអ្នកទទួលខុសត្រូវថែទាំ និងធ្វើការដោះលែងនៅព្រៃបឹង ឲ្យមានសុវត្ថិភាពវិញ។ ចំណែកវត្ថុតាងសំណាកសត្វព្រៃ ក្រុមការងារនឹងធ្វើការដុតបំផ្លាញចោល តាមការសម្រេចពីសំណាក់ លោកស្រីព្រះរាជអាជ្ញា ដោយឡែកម្ចាស់ផ្ទះត្រូវបានឃាត់ខ្លួនបឋម ដើម្បីធ្វើការសាកសួរ៕
ចែករំលែកព័តមាននេះ