ខេត្តមណ្ឌលគិរី ៖ រថយន្តស៊េរីទំនើបមួយគ្រឿងបើកបរមិនប្រុងប្រយ័ត្នបានបុកម៉ូតូកែច្នៃចំពីក្រោយទៅមុខលែងរួច បណ្តាលឲ្យបុរសម្នាក់រងរបួសធ្ងន់ នៅវេលាម៉ោង១៣ និង៤០នាទី ថ្ងៃទី៣០ ខែវិច្ឆិកា ឆ្នាំ២០១៨ នៅចំណុចភូមិឆ្នែង…
ខេត្តមណ្ឌលគិរី ៖ រថយន្តស៊េរីទំនើបមួយគ្រឿងបើកបរមិនប្រុងប្រយ័ត្នបានបុកម៉ូតូកែច្នៃចំពីក្រោយទៅមុខលែងរួច បណ្តាលឲ្យបុរសម្នាក់រងរបួសធ្ងន់ នៅវេលាម៉ោង១៣ និង៤០នាទី ថ្ងៃទី៣០ ខែវិច្ឆិកា ឆ្នាំ២០១៨ នៅចំណុចភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
អធិការនគរបាលស្រុកកែវសីមា ឲ្យដឹងថា មានករណីគ្រោះថ្នាក់ចរាចរណ៍ រវាងរថយន្តឡង់គ្រីស័របុកម៉ូតូក្នុងទិសដៅស្របគ្នា បណ្តាលឲ្យមនុស្សម្នាក់រងរបួស។ ជនរងគ្រោះឈ្មោះ បេ សុះ ភេទប្រុស អាយុ២៧ឆ្នាំ ជនជាតិខ្មែឥស្លាម មានទីលំនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ជិះម៉ូតូកែច្នៃរងរបួសធ្ងន់ ត្រូវបញ្ជូនទៅព្យាបាលនៅប្រទេសវៀតណាម។
ចំណែករថយន្តបង្កម៉ាក ឡង់គ្រីស័រ ពណ៌ស ពាក់ស្លាកលេខ ភ្នំពេញ 2AX-5188 អ្នកបើកបរឈ្មោះ ហេង សៀង ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិកណ្តាល សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ៕
ចែករំលែកព័តមាននេះ