ចិន ៖ តាមប្រភពព័ត៌មាន Shanghaiist បានឲ្យដឹងថា កូនកម្លោះម្នាក់ ត្រូវរងរបួសធ្ងន់ដេកដួលលើថ្នល់ ដោយសារឡានបុក ក្រោយពីរត់ចេញពីការធ្វើបាបបែបលេងសើចរបស់មិត្តភក្តិនៅថ្ងៃរៀបការ។ រឿងហេតុនេះកើតឡើងនៅថ្ងៃអាទិត្យកន្លងមកនេះ…
ចិន ៖ តាមប្រភពព័ត៌មាន Shanghaiist បានឲ្យដឹងថា កូនកម្លោះម្នាក់ ត្រូវរងរបួសធ្ងន់ដេកដួលលើថ្នល់ ដោយសារឡានបុក ក្រោយពីរត់ចេញពីការធ្វើបាបបែបលេងសើចរបស់មិត្តភក្តិនៅថ្ងៃរៀបការ។
រឿងហេតុនេះកើតឡើងនៅថ្ងៃអាទិត្យកន្លងមកនេះ នាក្រុង Zunyi ខេត្ត Guizhou ដោយសារតែការលេងហួសហេតុរបស់មិត្តភ័ក្ត្រកូនកម្លោះ។ ជនរងគ្រោះត្រកូល Ai អាយុ២៤ឆ្នាំ ពេលកំពុងធ្វើដំណើរទៅកាន់រោងការ ត្រូវបានមិត្តភក្តិធ្វើបាបបែបលេងសើច។ វាជាទម្លាប់របស់ប្រជាជនចិនទៅហើយ ចំពោះការធ្វើបែបនេះ។ ពេលខ្លះការលេងអ៊ីចឹង ដូចជាមានភាពលើសក៏ថា បាន។
មិត្តភក្តិរបស់ Ai បានយកពងមាន់គប់ ចាក់បង្ខំឲ្យផឹកស្រា ចាប់ហែកអាវលេង និងវាយនឹងបំពង់ឬស្សី។ ការធ្វើបែបនេះ គឺក្នុងគោលបំណងឲ្យដឹងថា រៀបការម្តងៗគឺមិនស្រួលនោះទេ។ ពេលកំពុងតែធ្វើបាប Ai ក៏រត់គេច ដោយហក់ឡើងផ្លោះរបងទៅឆ្លងផ្លូវហាយវ៉េ ដែលរថយន្តមួយកំពុងបើកលឿនដូចព្យុះ។
ចុងក្រោយគឺដេកស្អាតលើថ្នល់ ដោយសារតែឡានបុក។ រូបគេក៏ត្រូវបានបញ្ជូនទៅមន្ទីរពេទ្យ ទាន់ពេលវេលា។ ទៅដល់ទីនោះ គ្រូពេទ្យរកឃើញថា រូបគេមានរបួសបែកឆ្អឹងលលាដ៍ក្បាល និង ហូរឈាមក្នុងខួរក្បាល។ ពិធីមង្គលការ ត្រូវបានពន្យារ៕
ចែករំលែកព័តមាននេះ