ខេត្តកំពត ៖ ទ្វារដែកមួយនេះ ត្រូវបានគេធ្វើយ៉ាងរឹងមាំបំផុតមួយសម្រាប់ការពារដីចម្ការនៅក្នុងបរិវេណភ្នំដំណាក់ចង្អើរ សង្កាត់ព្រៃធំ ក្រុងកែបខេត្តកែប។ ប៉ុន្តែអ្វីដែលអ្នកផង កំពុងចាប់អារម្មណ៍ទ្វារដែកមួយនេះ មិនត្រឹមតែធ្វើសម្រាប់ការពារដីរបស់ខ្លួនទេ ថែមទាំងបានការពារអ្នកការសែត និងមន្ត្រីផ្សេងៗចូលទៅពិនិត្យរណ្ដៅដីតូចធំនៅភ្នំចំនួន2ផងដែរ។ ព្រោះនៅក្នុងរបងដែលរៀបជញ្ជំងបេតុង និងទ្វារដែកនោះ មានផ្ទៃដីសហគមន៍ព្រៃឈើ និងដីចម្ការពួកអ្នកមាន និងអ្នកមានគ្រឿងចក្រកាយដីភ្នំលក់យ៉ាងអនាធិបតេយ្យ។
ដោយសារតែមានគ្រឿងចក្រកាយដីភ្នំយ៉ាងគគ្រឹកគគ្រេងបែបនេះហើយ ទើបមានអ្នកយកព័ត៌មានចំនួន3នាក់ចូលទៅមើលគេកាយដីភ្នំ ប៉ុន្តែយកព័ត៌មានអង្គភាពផ្សេងៗគ្នាត្រូវបានគេចាក់សោជាប់ក្នុងបរិវេណភ្នំនោះ រកផ្លូវចេញមិនឃើញកាលពីថ្ងៃទី28 វិច្ឆិកាកន្លងពេលថ្មីៗនេះ។
អ្នកកាសែតដែលចូលទៅថតយករូបភាពគេកាយដីនោះ ត្រូវគេស្គាល់ឈ្មោះថា លោក សឹង រ៉ាត់ អ្នកយកព័ត៌មានឱ្យទូរទស្សន៍អឹមអេសចេ2, លោកសិលា សារិន អ្នកយកព័ត៌មានឱ្យទូរទស្សន៍ប៉ុស្លិ៍លេខ11និងលោកសឹម សុន អ្នកយកព័ត៌មានឱ្យកាសែតខ្មែរប្រជាប្រិយ និងកាន់កាសែតឱ្យយុវជនកម្ពុជា។
អ្នកកាសែតទាំង3នាក់នេះ ត្រូវបានជជែកគ្នាជាមួយអ្នកយាមទ្វារយ៉ាងតឹងសរសៃ.ក មួយម៉ោងក្រោយត្រូវបានគេចាក់សោឱ្យចេញមកខាងក្រៅវិញបាន។ ចំណែកឯអ្នកកាសែតម្នាក់ទៀតដែលមានរថយន្តប៉ាសេរ៉ូ ជិះក៏ធ្លាប់បានជាប់នៅក្នុងទ្វារដែកនោះដែរ ពេលចូលតាមរថយន្តដឹកដីបាន តែចេញគេចាក់សោរបិតជិត អ្នកកាសែតម្នាក់នោះក៏បានប្រកែកគ្នាទៅវិញទៅមក ជាមួយលោកវ៉េត ជាម្ចាស់គ្រឿងចក្រ។
លោក មាស សុធី នាយខណ្ឌរដ្ឋបាលព្រៃឈើខេត្តកែប បាននិយាយប្រាប់អ្នកយកព័ត៌មានឱ្យដឹងថា មិនត្រឹមតែគេចាក់សោជាប់អ្នកកាសែតទេ សូម្បីតែមន្ត្រីរដ្ឋបាលព្រៃឈើដែលចុះទៅធ្វើការនៅទីនោះ ក៏ត្រូវបានគេចាក់សោឱ្យជាប់ក្នុងទ្វារនោះដែរ ។ លោក មាស សុធី និយាយថា យើងមិនជំទាស់ទេ ការធ្វើរបងការពារដីចម្ការ តែសុំឱ្យអ្នកធ្វើកុំបិតផ្លូវសាធារណៈ។
អ្នកកាពារដីសហគមន៍ព្រៃឈើបាននិយាយកាលពីពេលថ្មីៗនេះថា ដីភ្នំជាដីសហគមន៍ត្រូវបានគេកាយដឹកតាមរថយន្តក្នុងមួយថ្ងៃរាប់សិបឡាន។អ្នកការពារសហគមន៍និយាយថា ពួកអ្នកការពារព្រៃសហគមន៍លែងចង់ជឿថ្នាក់លើហើយ ព្រោះគេកាយដីដឹករាល់ថ្ងៃអត់មានអ្នកអន្តរាគមន៍ផង។
ចែករំលែកព័តមាននេះ