រាជធានីភ្នំពេញ ៖ ក្រោយពីទទួលបានជោគជ័យនៅលើទីផ្សារ សាកល ពីការលក់ចេញលក់ជាបន្តបន្ទាប់នូវទូរសព្ទត្រកូល R នាពេលកន្លងមក ក្រុមហ៊ុននេះ ក៏បានប្រកាសចេញលក់ត្រកូល R…
រាជធានីភ្នំពេញ ៖ ក្រោយពីទទួលបានជោគជ័យនៅលើទីផ្សារ សាកល ពីការលក់ចេញលក់ជាបន្តបន្ទាប់នូវទូរសព្ទត្រកូល R នាពេលកន្លងមក ក្រុមហ៊ុននេះ ក៏បានប្រកាសចេញលក់ត្រកូល R នេះមួយម៉ូដែលទៀតនៅលើទីផ្សារប្រទេសកម្ពុជា គឺ OPPO R17 Pro ដែលបំពាក់នូវបច្ចេកវិទ្យាកាន់តែអស្ចារ្យ ។ ពិធីសម្ពោធ ប្រកាសនាំចូល និងចែកចាយនៅលើទីផ្សារប្រទេសកម្ពុជា ត្រូវបានធ្វើឡើងកាលពីរាត្រីថ្ងៃទី ០១ ធ្នូ ២០១៨នេះ នៅសណ្ឋាគារសុខាភ្នំពេញ ដោយមានការចូលរួមអបអរពីសំណាក់តំណាងចែកចាយរបស់ខ្លួន ជាច្រើន ។
យោងតាមសេចក្តីប្រកាសព័ត៌មានរបស់ក្រុមហ៊ុន OPPO ប្រចាំកម្ពុជាបានអោយដឹងថា OPPO R17 Pro នឹងចាប់ផ្ដើមមានលក់នៅក្នុងទីផ្សារប្រទេសកម្ពុជានាខែដើមធ្នូនេះ ។ OPPO ត្រកូល R ថ្មីនេះ ជាម៉ូដែលស្មាតហ្វូនដែលលក់ដាច់ជាងគេលើពិភពលោក ចាប់តាំងពីម៉ូដែល R9 មកម្ល៉េះ រួចក៏បន្តមកដល់ម៉ូដែល R15 ដែលមានអ្នកនិយមប្រើជាងគេ ព្រោះវាតែងតែជាអ្នកដឹកនាំឈានមុខគេទៅលើ Camera Phone។ ម៉ូដែល OPPO R17 Pro នេះ មានមុខងារដ៏លេចធ្លោជាងគេនោះ គឺការថតរូបច្បាស់ខ្លាំងនៅពេលយប់។ OPPO ផ្ដោតសំខាន់លើអតិថិជនជាយុវវ័យ ដែលពួកគាត់ចូលចិត្តភាពទាន់សម័យ ជាពិសេសចូលចិត្តប្រើប្រាស់ជីវិតនាពេលរាត្រី ដូច្នោះហើយចាំបាច់ណាស់ដែលពួកគាត់ត្រូវការថតរូបឱ្យស្អាតៗនាពេលយប់ ។
លោក ឡៅ ខេងប៊ុង ប្រធានផ្នែកទីផ្សារនៃក្រុមហ៊ុន OPPO ប្រចាំកម្ពុជា បានអោយដឹងថា ទូរស័ព្ទម៉ូដែលថ្មីនេះ មានបំពាក់នូវប្រព័ន្ធកាមេរ៉ាកាន់តែអស្ចារ្យ ដែលអាចអោយអ្នកប្រើប្រាស់អាចថតរូបភាពនៅពេលយប់ ខ្វះពន្លឺ បានដោយស្រស់ស្អាត ហើយ OPPO ត្រូវបានគេដឹងថា ជាកំពូលទូរសព្ទដែលអាចថតរូបភាពបានស្អាតៗ ជាមួយនឹងមុខងាររបស់វា ។
លោកបន្តថា កាន់តែអស្ចារ្យទៅទៀតនោះ ទូរសព្ទម៉ូដែល OPPO R17 Pro គឺបានបំពាក់នូវប្រព័ន្ធបច្ចេកវិទ្យាសាកថ្មី Super VOOC ដែលវាអាចសាកថ្មបានលឿនឆាប់ពេញ តែកាន់ថ្មបានយូរ ជាក់ស្ដែងត្រឹមតែ១០នាទី វាអាចសាកថ្មបានរហូតដល់ ៤០ភាគ ។
R17 Pro ក៏មានមុខងារសប្បាយៗ និងទាក់ទាញជាច្រើន ដូចជា AR stickers, Lighting Effects, O-moji ជាដើម។ AR stickers និង Lighting Effects អាចឱ្យអ្នកប្រើប្រាស់បន្ថែមនូវ effects និង stickers សប្បាយៗ នៅពេលដែលអ្នកថតរូបស៊ែលហ្វី ឬថតរូបធម្មតា ហើយអ្នកប្រើប្រាស់ក៏អាចបង្កើតនូវ O-moji ដោយខ្លួនឯងផងដែរ ។
លើសពីនេះទៀត R17 Pro មានការរចនានូវតួខ្លួនបែបប្រដេញពណ៌ (Radiant Mist) ហើយបំពាក់មកជាមួយនូវអេក្រង់ទំហំ 6.4 អ៊ីង ដែលជាអេក្រង់រាងដំណក់ទឹក។ បន្ថែមលើនេះទៀត R17 Pro បានបំពាក់មកជាមួយនូវ RAM ទំហំ8 GB & ROM ទំហំ128 GB ហើយនិងមានការដោះសោរដោយស្គែនក្រយៅដៃលើអេក្រង់ (Hidden Fingerprint Unlock) ទៀតផង។
យោងតាមសេចក្តីប្រកាសព័ត៌មានរបស់ក្រុមហ៊ុនថា ម៉ូដែល R17 Pro នេះ ក៏ត្រូវបានប្រកាសលក់ក្នុងតម្លៃ 699 ដុល្លារអាមេរិក ហើយនឹងចាប់ទទួលការកម្មង់ទិញ (Pre-order) ពីថ្ងៃ 02 ដល់ទៅ 07 ខែធ្នូ ឆ្នាំ 2018 នេះ ដែលលោកអ្នកនឹងទទួលបានកាដូ Bluetooth Speaker កាស Bluetooth ដបទឹកក្ដៅ រួមនិង Sim-card លេខពិសេសផងដែរ ហើយក៏នឹងចាប់ផ្ដើមមានលក់លើទីផ្សារកម្ពុជានៅថ្ងៃទី 10 ខែធ្នូ ឆ្នាំ 2018 នេះផងដែរ ព្រមជាមួយកាដូជា កាស Bluetooth និង Sim-card ធម្មតាផងដែរ។
គួរបញ្ជាក់ថា ក្នុងពិធីសម្ពោធនេះដែរ ក៏មានចូលរួមពីសំណាក់តារាល្បីៗតំណាងឲ្យក្រុមហ៊ុន OPPO ទាំងបីដួងដូចជាអ្នកនាង ពេជ្រ សោភា លោក Step និងកញ្ញា រ៉េត ស៊ូហ្សាណា ។ ក្រៅពីនោះ ក៏នៅមានការអញ្ជើញចូលរួមពីសំណាក់ កញ្ញា ស៊ិន យូប៊ិន លោក ឆឹម សក្កដា លោក ហៃ ប៉ោហុង កញ្ញា សាឡាត់ ស្រីឡាង លោក ហេង វិសាល និងលោក កែវ សុខផេង ផងដែរ ៕ ដោយសហការ
ចែករំលែកព័តមាននេះ