ប្រទេសកូរ៉េទាំង២ ៖ កងទ័ពកូរ៉េខាងត្បូងរាយការណ៍ថា ទាហានកូរ៉េខាងជើងម្នាក់បានរត់ចោលជួរការពីថ្ងៃទី១ ធ្នូ ចូលកូរ៉េខាងត្បូង ដោយឆ្លងកាត់ព្រំដែនដែលមានការយាមកាមតឹងរ៉ឹងបំផុតទាំងសងខាង។
ការរត់ចោលជួរឆ្នងកាត់ព្រំដែនកម្រមានណាស់ ហើយការរត់ចោលជួរលើកនេះកើតមានខណៈកូរ៉េទាំង២ សន្យាអនុវត្តដំណើរការនៃការខិតចូលជិតគ្នាឲ្យបានប្រសើរ។ ក្រុងសេអ៊ូល និងក្រុងព្យុងយ៉ាង ចាប់ផ្ដើមរំសាយយោធានៅតាមព្រំដែន ដកគ្រាប់មីនចេញហើយបំផ្លាញចោលបណ្ដាប៉ុស្តិ៍យាមព្រំដែន។
ក្នុងសេចក្ដីប្រកាសមួយអគ្គសេនាធិការកងទ័ពកូរ៉េខាងត្បូងអះអាងថា ទាហានកូរ៉េខាងជើងម្នាក់ត្រូវបានកងទាហានកូរ៉េខាងត្បូង ប្រទះឃើញកំពុងរត់ឆ្លងកាត់ខ្សែបន្ទាត់ព្រំដែន។ ទាហាននោះសុខសប្បាយក្រោមការរក្សាទុករបស់យើង។
ពុំមានការតាមបាញ់ទាហានរូបនោះឡើយ ផ្ទុយគ្នានឹងកាលពីខែវិច្ឆិកាឆ្នាំ២០១៧ ពេលទាហានកូរ៉េខាងជើងម្នាក់រត់កាត់ំព្រំដែន ក្រោមការដេញតាមបាញ់ស្រោចនៅព្រំដែន ក្នុងភូមិប៉ានមុនហ្សូម តំបន់ហាមមិនឲ្យមានកងទ័ពបែងចែកកូរ៉េទាំង២។
ជនជាតិកូរ៉េខាងជើងជាង៣០.០០០នាក់បានរត់ភៀសខ្លួនចេញពីប្រទេសពួកគេ ប៉ុន្តែកម្រមានណាស់ការរត់ឆ្លងកាត់ព្រំដែនដោយផ្ទាល់៕
ចែករំលែកព័តមាននេះ