រាជធានីភ្នំពេញ ៖ កម្លាំងនគរបាលនៃអធិការដ្ឋាននគរបាលខណ្ឌដង្កោបានធ្វើការចាប់ខ្លួនជនសង្ស័យ ចំនួន៥នាក់ ជាបន្តបន្ទាប់ ក្រោយពេលដែលជនទាំងនោះធ្វើសកម្មភាពលួចម៉ូតូកង់បីឥណ្ឌា របស់យុវជនម្នាក់ ដែលបញ្ឈរទុកនៅមុខផ្ទះជួលមួយកន្លែង ។ ក្រោយពេលចាប់ខ្លួនបាននគរបាលបានធ្វើការដកហូតយកម៉ូតូកង់បីនោះបានមកវិញផងដែរ…
រាជធានីភ្នំពេញ ៖ កម្លាំងនគរបាលនៃអធិការដ្ឋាននគរបាលខណ្ឌដង្កោបានធ្វើការចាប់ខ្លួនជនសង្ស័យ ចំនួន៥នាក់ ជាបន្តបន្ទាប់ ក្រោយពេលដែលជនទាំងនោះធ្វើសកម្មភាពលួចម៉ូតូកង់បីឥណ្ឌា របស់យុវជនម្នាក់ ដែលបញ្ឈរទុកនៅមុខផ្ទះជួលមួយកន្លែង ។
ក្រោយពេលចាប់ខ្លួនបាននគរបាលបានធ្វើការដកហូតយកម៉ូតូកង់បីនោះបានមកវិញផងដែរ ។ ហេតុការណ៍នោះបានកើតឡើង កាលពីវេលាម៉ោង៦និង៣០នាទីព្រឹក ថ្ងៃទី៣០ ខែវិច្ឆិកា ឆ្នាំ២០១៨ នៅចំណុច មុខផ្ទះជួលគ្មានលេខ ស្ថិតនៅតាមផ្លូវបេតុងក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ។
ជនសង្ស័យខាងលើរួមមាន១-ឈ្មោះ សុខ ខី ហៅឆក អាយុ២៧ឆ្នាំ ២-ឈ្មោះ ព្រឿង ម៉ារ៉ូត ហៅនុត អាយុ១៨ឆ្នាំ ៣- ឈ្មោះសុខ ឌីណា អាយុ១៦ឆ្នាំ ៤- ឈ្មោះ សុខ ដារ៉ា អាយុ១៧ឆ្នាំ ។ ជនសង្ស័យទាំង៤នាក់នេះមានទីលំនៅក្នុងភូមិតាឡី សង្កាត់ដង្កោ ខណ្ឌដង្កោ ៥- ឈ្មោះ ឃួន វិចិត្រ អាយុ២៨ឆ្នាំ មានទីលំនៅក្នុងភូមិហា សង្កាត់ស្ពានថ្ម ខណ្ឌដង្កោ ។
ដោយឡែកនគរបាលដកហូតបានម៉ូតូកង់បីឥណ្ឌា១គ្រឿង ម៉ាក Brand ពណ៌លឿង ពាក់ស្លាក លេខព្រៃវែង 1N-117 មានលេខតួ 15450 លេខម៉ាស៊ីន 47199 ដែលជាកម្មសិទ្ធិរបស់យុវជនរងគ្រោះឈ្មោះ អ៊ុំ ពិសិទ្ធ អាយុ២១ឆ្នាំ ជនជាតិខ្មែរ មុខរបររត់ម៉ូតូកងបី ស្នាក់នៅផ្ទះជួលគ្មានលេខ ផ្លូវបេតុង ភូមិតាឡី ។
នគរបាលបានឲ្យដឹងថា កាលពីវេលាយប់ថ្ងៃទី២៩ ខែវិច្ឆិកា ឆ្នាំ២០១៨ យុវជន អ៊ុំ ពិសិទ្ធ បានទុកម៉ូតូកង់បីរបស់ខ្លួននៅមុខផ្ទះជួលរួចចូលដេក នៅក្នុងបន្ទប់ជួល ។ ខណៈនោះក្រុមជនសង្ស័យបានធ្វើសកម្មភាពលួចយកទៅបាត់ ហើយរហូតដល់វេលាព្រឹកថ្ងៃកើតហេតុ គឺវេលាម៉ោង៦និង៣០នាទីថ្ងៃទី៣០ ខែវិច្ឆកា ឆ្នាំ២០១៨ ក្រោយភ្ញាក់ពីដេកទើបដឹងថា បាត់ម៉ូតូកនោះ ។ បង្កឲ្យមានការភ្ញាក់ផ្អើលឆោរឡោ និងបានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដង្កោ ដើម្បីឲ្យនគរបាលជួយស្រាវជ្រាវរក និងយកមកវិញ ។
ប្រភពដដែលបានបន្តទៀតថា ក្រោយពេលទទួលពាក្យបណ្ដឹងយុវជនខាងលើរួចកម្លាំងនគរបាលប៉ុស្តិ៍ដង្កោបានរាយការណ៍ជូនលោកវរសេនីយឯក ជឹម ស៊ីថា អធិការនគរបាលខណ្ឌដង្កោ ។ ដើម្បីសុំគោលការណណែនាំពីសំណាក់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ។ បន្ទាប់មកដោយមានបញ្ជាពីលោកស្នងការ លោកអធិការក៏បានដឹកនាំកម្លាំងធ្វើការស្រាវជ្រាវរហូតដល់វេលាម៉ោង៩និង៣០នាទីយប់ ថ្ងៃខែឆ្នាំដដែលឃាត់ខ្លួនជនសង្ស័យបានចំនួន០២នាក់ ឈ្មោះ សុខ ខី ហៅឆក និងឈ្មោះ ព្រឿង ម៉ារ៉ូត ហៅនុត ។
ព្រមទាំងដកហូតបានវត្ថុតាង គឺម៉ូតូកង់បីឥណ្ឌាម៉ាក Brand ដែលជាកម្មសិទ្ធិរបស់យុវជនរងគ្រោះផងដែរ ហើយជនសង្ស័យដោះស្លាកលេខចោលបាត់ទៅហើយ ។ នគរបាលខាងលើបានបន្តទៀតថា ក្រោយមកបាននាំជនសង្ស័យទាំង២នាក់នោះទៅសួរនាំទើបដឹងពីកន្លែងបក្សពួក៣នាក់ទៀតកំពុងលាក់ខ្លួន ។ លុះដល់វេលាម៉ោង៧និង២០នាទីព្រឹក ថ្ងៃទី១ ខែវិច្ឆកា ឆ្នាំ២០១៨ ទើបឈានដល់ការចាប់ខ្លួនបក្សពួក៣នាក់ទៀត រួមមានឈ្មោះ ឃួន វិចិត្រ ហៅ អាធំ ,ឈ្មោះ សុខ ដារ៉ា ,ឈ្មោះ សុខ ឌីណា ។ ខណៈដែលជនទាំងនេះកំពុងជុំគ្នាសេពគ្រឿងញៀននៅក្នុងខ្ទមមួយ នៅក្បែរទីលានចាក់សំរាម ស្ថិតនៅក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ។បន្ទាប់មកបាននាំទៅសាកសួរ ដើម្បីកសាងសំណុំរឿងចាត់ការតាមផ្លូវច្បាប់ ៕
ចែករំលែកព័តមាននេះ