រាជធានីភ្នំពេញ ៖ ដោយមិនបង្អង់យូរតារាសម្តែង ញ៉ែម សុគន្ធ ក្រោយប្រកាសចូលរោងការជាផ្លូវការ លោកក៏ត្រៀមរួចរាល់បើកយុទ្ធនាការយកកូន ព្រោះវ័យរបស់តារារូបនេះកាន់តែបោះជំហានទៅមុខ ហើយមហាជនជាច្រើនបានអបអរ ព្រោះចាំអ៊ុតយូរហើយពេលណាលោករៀបការ។…
រាជធានីភ្នំពេញ ៖ ដោយមិនបង្អង់យូរតារាសម្តែង ញ៉ែម សុគន្ធ ក្រោយប្រកាសចូលរោងការជាផ្លូវការ លោកក៏ត្រៀមរួចរាល់បើកយុទ្ធនាការយកកូន ព្រោះវ័យរបស់តារារូបនេះកាន់តែបោះជំហានទៅមុខ ហើយមហាជនជាច្រើនបានអបអរ ព្រោះចាំអ៊ុតយូរហើយពេលណាលោករៀបការ។
តារាសម្តែងរូបសង្ហារ ញ៉ែម សុគន្ធ បានបញ្ចប់ភាពនៅលីវនៅថ្ងៃទី០១ ធ្នូ ២០១៨នេះ ជាមួយស្រីស្អាតម្នាក់ ក្រោយពីពួកគេបានភ្ជាប់ពាក្យតាមប្រពៃណីខ្មែរមួយរយៈមុន ។ សម្រាប់ពិធីរៀបអាពាហ៍ពិពាហ៍នៅព្រឹកនោះ ក៏មានការចូលរួមអបអរពីសំណាក់ភ្ញៀវកិត្តិយស និងមិត្តភក្តិក្នុងសិល្បៈជាច្រើន ។
កូនកំលោះលោក ញ៉ែម សុគន្ធ កាន់តែមានភាពលេចធ្លោ និងស្រស់សង្ហាមួយកម្រិតទៀត ។ ក្នុងនោះក៏មានការលាន់មាត់សរសើរថា លោក ញ៉ែម សុគន្ធ និងភរិយា ងួន កែវមល្លីកា ពិតជាសាកសមគ្នាខ្លាំងណាស់ ។ ជាពិសេសភរិយារបស់លោកពិតជាស្រស់ស្អាតមិនចាញ់តារាប៉ុន្មានឡើយ ។
ពិធីមង្គលរបស់លោក ញ៉ែម សុគន្ធ មានការរៀបចំតុបតែងយ៉ាងស្រស់ស្អាត ហើយពិធីនេះគឺរៀបចំនៅកោះពេជ្រអាគារ E តែម្តង ។ សម្រាប់ពេលព្រឹកគេសង្កេតឃើញមានញាតិមិត្តចូលរួមអបអរសាទរជាច្រើនដែលមានទាំងមិត្តភក្តិក្នុងសិល្បៈដូចជា សុគន្ធ និសា ថន លក្ខិណា ជាដើម ។
នៅក្នុងពិធីមង្គលការនេះ គេក៏ឃើញការរៀបចំតុបតែងផ្កាភ្ញី និងជំនួនយ៉ាងច្រើនមុខនៅក្នុងពិធីមង្គលការរបស់លោក ញ៉ែម សុគន្ធ គឺពិតជាអធិកអធមយ៉ាងខ្លាំងផងដែរ។ នៅក្នុងពិធីមង្គលការនេះគេសង្កេតឃើញមានការចូលរួមពីសំណាក់សាច់ញាត្តិចាស់ទុំទាំងសងខាង ព្រមទាំងមិត្តភក្ដិ និងអ្នកសិល្បៈជាច្រើនរូបផងដែរ។
ជាមួយគ្នានេះគេក៏ឃើញមានវត្តមានកំពូលតារាចំរៀងស្រីល្បីឈ្មោះមួយដួងប្រចាំផលិតកម្មហង្សមាស គឺអ្នកនាងសុគន្ធ នីសា ចូលរួមផងដែរ។ ក្រៅពីការអញ្ចើញចូលរួមហើយនៅ អ្នកនាង សុគន្ធនីសា ក៏បានបង្ហោះរូបថតជាច្រើនសន្លឹកពោរពេញដោយស្នាមញញឹម នឹងបានភ្ជាប់ជាមួយពាក្យសំដី ដ៏ស្និតស្នាលថា «អបអរសាទរ បងប្រុស ញ៉ែម សុគន្ធនឹងភរិយា ថ្ងៃនេះ ជាថ្ងៃមង្គលសូមជូនពរ អោយអ្នកទាំងពីរមានសុភមង្គលពេញមួយជីវិតយូអង្វែង»។ បន្ទាប់ពីបានបង្ហោះនៅរូប នឹងពាក្យជូនពរនេះភ្លាម អ្នកគាំទ្រជាច្រើន បានជូនពរគូស្វាមីភរិយាថ្មីនេះផងដែរ។
ជាមួយគ្នានេះក្រៅពីវត្តមានរបស់អ្នកនាង សុគន្ធ នីសា ហើយនោះ គេក៏សង្កេតឃើញវត្តមានរបស់កញ្ញា ថន លក្ខិណា នឹងតារាជាច្រើនដួងទៀត ដែលចូលរួមជូនពរនឹងអបអរសារទរ ពោរពេញដោយក្ដីរីករាយ នឹងស្នាមញញឹមផងដែរ។
មានការបង្ហើបថា ក្រោយរៀបការហើយលោក ញ៉ែម សុគន្ធ និង ដឹកដៃភរិយានៅក្រេបទឹកឃ្មុំនៅប្រទេសជិតខាងផងដែរ ។ បើតាមគម្រោងលោកក៏មានបំណងយកកូនភ្លាមៗផងដែរ ។ ក្នុងនោះគេក៏បានឃើញវត្តមានអ្នកល្បីៗច្រើនទៀត ដែលមានដូចជាអគ្គនាយកក្រុមហ៊ុនហង្សមាស ព្រមទាំងអ្នកដឹកនាំរឿងដ៏ល្បីមួយរូបគឺ លោក ហ្វៃ សំអាង ក៏មានវត្តមានចូលរួមផងដែរ។
ចែករំលែកព័តមាននេះ