រាជធានីភ្នំពេញ៖ សាខាកាកបាទក្រហមរាជធានីភ្នំពេញ នាល្ងាចថ្ងៃទី ៣០ ខែ វិច្ឆិកា ឆ្នាំ ២០១៨នេះ នៅអគារផ្កាម្លិះគាំទ្រចិត្តសាស្ត្រសង្គម ស្ថិតក្នុងបរិវេណមណ្ឌលកុមារកំព្រាភ្នំពេញថ្មី…
រាជធានីភ្នំពេញ៖ សាខាកាកបាទក្រហមរាជធានីភ្នំពេញ នាល្ងាចថ្ងៃទី ៣០ ខែ វិច្ឆិកា ឆ្នាំ ២០១៨នេះ នៅអគារផ្កាម្លិះគាំទ្រចិត្តសាស្ត្រសង្គម ស្ថិតក្នុងបរិវេណមណ្ឌលកុមារកំព្រាភ្នំពេញថ្មី សាខាកាកបាទក្រហមកម្ពុជា រាជធានីភ្នំពេញ បានប្រាព្ធទិវាពិភពលោកប្រយុទ្ធនឹងជំងឺអេដស៍ ១ ធ្នូ ២០១៨ ក្រោមទិសស្លោក
(យើងប្តេជ្ញារួមគ្នាបញ្ចប់បញ្ហាអេដស៍នៅឆ្នាំ២០២៥) ក្រោមអធិបតីភាពលោក មាន ចាន់យ៉ាដា ប្រធានគណៈកម្មាធិការសាខា ។
មានការអញ្ជើញចូលរួមពីលោក លោកស្រីក្នុងជួរគណៈកម្មាធិការសាខា មន្ត្រីទីស្នាក់កណ្តាល មន្ត្រីប្រតិបត្តិសាខា អនុសាខា បុគ្គលិកអគារផ្កាម្លិះ ព្រមទាំងប្អូនៗ ក្មួយៗ កុមាររស់នៅជាមួយមេរោគអេដស៍-ជំងឺអេដស៍ និងកុមាររងផលប៉ះពាល់ សរុបចំនួនប្រមាណ៣៥០នាក់ ។
មានប្រសាសន៍នាឱកាសនោះ ក្នុងនាមលោក ឃួង ស្រេង ប្រធានកិត្តិយសសាខា លោក មាន ចាន់យ៉ាដា បានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ និងជំងឺអេដស៍នៅកម្ពុជា ជូនដល់អង្គពិធីទាំងមូលប្រកបដោយសេចក្តីនឹករលឹក ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ