ខេត្តព្រះសីហនុ ៖ លោក ហួរ យ៉ៃ អធិការនគរបាលស្រុកបានអោយដឹងថា ក្នុងចំណោមរថយន្តដែលជួបគ្រោះថ្នាក់ចរាចរណ៍បុកក្រពិតបែកបាក់ ហើយត្រូវបានយកមករក្សារទុកនៅមុខអធិការដ្ឋាននគរបាលស្រុក ត្រូវបានកំលាំងអធិការដ្ឋាននគរបាលស្រុកស្ទូចដឹកយកទៅរក្សា ទុកនៅទីតាំងផ្សេង គឺប៉ុស្តិ៍រដ្ឋបាលឃុំជើងគោ ដែលជាទីតាំងមិនប៉ះពាល់ដល់សណ្តាប់ធ្នាប់សាធារណៈ មិនប៉ះពាល់ដល់អារម្មណ៍មហាជន ។
លោកហូ យ៉ៃ បានបន្តថា បន្ទាប់ពីយករថយន្តចេញទីតាំងនោះត្រូវបានកំលាំងអធិការដឹកនាំដោយលោកផ្ទាល់ បានសម្អាតទីតាំងនោះដើម្បីសោភ័ណភាពតាមផ្លូវ សោភ័ណភាពទីធ្លាមុខអធិការដ្ឋាន ជាងនេះទៅទៀត សោភ័ណភាពប្រជុំជនសួនច្បាររង្វង់មូលដែលមានពលរដ្ឋមកអង្គុយលំហែ ហាត់ប្រាណ និងជាចំណុចដែលមានការចរាចរណ៍ឆ្លងកាត់ច្រើន ។
ជាមួយនឹងសកម្មភាពនេះ មានការសារទរពីមហាជន ព្រោះទាំងនេះជាផលប្រយោជន៍រួមនៅក្នុងតំបន់ ស្របជាមួយការអភិវឌ្ឍន៍ជាក់ស្តែង ក្រោមការយកចិត្តទុកដាក់ពីថ្នាក់ដឹកនាំខេត្ត តាមរយៈអាជ្ញាធរមូលដ្ឋាន ៕
ចែករំលែកព័តមាននេះ